هي دي مشكلة اللحمة............حلها بقى يا حمار

جلس الحمار زعزوع كما إعتاد كل مساء على مقهى الحمير.......ونادى القهوجي
الحمار سلاكة....طلب منه قصعة من عصير البرسيم المثلج.....عندما دخلت
الحمارة زئردة مسرعة تقول هاتوا قناة إخرس الفضائية بسرعة
الحمار سلاكة:ليه؟؟؟ فيه إيه يا زئردة؟؟؟؟
الحمارة زئردة:هاتها بس بسرعة.....فيها برنامج طبيخ للشيف الأشكيف
جاب سلاكة القناة وسكت كل الحمير في المقهي و ترك زعزوع قصعة البرسيم الذي يسيل عن فمه الواسع
الكل يسمع الشيف الذي يقول:وجبتنا النهاردة عبارة عن..........قطعتين من لحم الحمير
+طبق خضار مسرطن
+طبق سلاطة مصابة بالطفيليات
+عصير برتقال مروي بمياة الصرف الصحي
+عيش مخبوز بدقيق أوكراني فاسد
ومننساش نستخدم مية من الحنفية ملوثة بالكيماويات والبكتيريا
وبالهنا والشفا لكل المصريين

ساد الصخب المقى وعلا التنهيق والزعيق

عندما دخل عجوة الحمار صائحا :إلحقوا البني آدمين عندهم أزمة لحمة وبدؤوا يدبحوا الحمير وياكلوها

رد حمار قاعد في آخر القهوة إنتو نايمين على ودانكم؟؟؟؟!!!!الأزمة دي بقالها
فترة لدرجة إن رئيس وزراء تركيا صرح إنه يقدر يحلها في يومين
نهق الحمار صاحب القهوة عشان يسكت الجميع وقال:يا حمير مصر طالما الموضوع
يمس حياة الحمير يبقى واجب على حمير مصر إنهم يحلوا الموضوع وميستنوش
البني آدمين يحلوه إحنا لازم ندافع عن حقنا وحق ولادنا في الحياة
.......إبني الجحش الصغير لما يكبر أقوله إيه؟؟؟؟؟ده لو نجى من الدبح
وبعدين البني آدمين دول عمرهم ما حلوا مشكلة ليهم لأنهم أصلا ملهمش رأي عندهم نظام بيحكمهم محدش يقدر منهم يعترض عليه
قام زعزوع ووقف وقال مشكلة اللحمة دي تتحل في ساعتين
الكل نهق في نفس واحد:ساعتين.........طب إزاي؟؟؟؟؟
زعزوع:يلا بينا نروح لحكيم الحمير وهو يحلهالنا


....................................................................................
وعند حكيم الحمير وبعد عرض المشكلة

قال الحكيم :أردوغان عنده حق
سأل سلاكة:طيب تتحل مشكلة اللحمة إزاي يا عم الحمير كلهم؟؟؟؟؟
حكيم الحمير:يفتحوا إستيراد اللحوم الحية من السودان اللي فيها ثروة حيوانية تكفي الوطن العربي كله
زئردة :بس يا عمنا مش ممكن الحيوانات الحية دي يكون فيها أمراض؟؟؟؟
سلاكة:يا حمارة مهو عشان كده فيه حاجة إسمها الحجر الصحي والكشف البيطري
زقزوق:طيب يا حضرة الحكيم وهو اللي بيحكموا مصر مش عارفين موضوع السودان ده؟؟؟؟؟
حكيم الحمير:عارفين وكل حاجة بس عندهم تعليمات أمريكية إن ميتعاملوش مع
السودان ويستوردوا اللحمة من البرازيل اللي في آخر الدنيا زي التعليمات
إنهم ميزرعوش قمح
بص الحكيم لزعزوع وقاله:هي دي المشكلة .......حلها بقى يا حمار