شرح مسائل القطاع التضاريسي لمادة العملية والخرائط

مشرف

بصوا يا شباب وركزوا وان شاء الله تفهموا
عندنا خطوط كنتور لجبل اللى هى دايرة صغيرة فوقيها دايرة اكبر فوقيها دايرة اكبر واكبر هنعمل 6 دواير فوق بعض
الدايرة الكبيرة اللى هى اول دايرة من برة هنديها رقم 10 وبالتالى اللى بعدها تبقا 20 وهكذا نزود 10 على ال6 دوائر يبقا عندنا ترتيب الدواير 10 20 30 40 50 60 ماشى ؟ ماشى
هنجيب المسطرة ونشق الدواير دى نصين هيبقا عندنا انصاص دواير
الخط اللى احنا شقينا بيه الدواير هنسميه س ص
احنا لما شقينا الدواير دي الخط اللى احنا شقينا بيه نزل عليه 12 خط يعنى تقاطع مع خطوط الكنتور ال12
فكل مانلاقى الخط اتقاطع ندي رمز للتقاطع
ندي الرموز بقا
أ-ب-ج-د-هـ-و-ز-ح-ط-ى-ك-ل-م
اذا الخط اللى اسمه س ص اللى احنا شقينا بيه الدواير تقاطع فى 12نقطة اللى احنا سميناهم دول
هنرسم بقا اية ساعدونى اسمة اية ناسي المهم
فى كراسة الرسم البيانى عشان تبقا سهلة هنعمل خط افقى وخط راسي بالقلم الرصاص طبعا
فى الخط الراسي هنرقم بقاالمسافات بين خطوط الكنتور
هنبدا من صفر 10 20 30 40 50 60 ماشي؟ ماشى
فى الخط الافقى هنعمل اية بقا زي مادكتور محمد قال
نجيب ورقة بيضة نحطها على الخط اللى احنا شقينا بيه الدواير اللى اسمه س ص
ونكتب بقا الرموز اللى احنا كتبناها دى اللى هى ا ب ج د ماشى ؟ ماشي
بس بالترتيب
ناخد الورقة هنعمل بيها اية بقا ؟
الخط الافقى فى كراسة الرسم البيانة لسة فاضى احنا كتبنا الارقام فى الخط الراسي لسة بقا الخط الافقي نديله حقه ونكتب فيه
نحط الورقة على الخط الافقى وكل حرف على الورقة نكتبه على الخط الافقي بالترتيب يا واد انت وهو وهى
كتبنا الحروف ؟ اوك كدة عال اوى
اللى جاى سهل بقا
هنعمل اية ؟ بصوا
اول حرف طبعا فى الخط الافقى هو أ زى ماكتبنا هنروح عند خريطة الكنتور نشوف الرمز أ واقع على انهى خط كنتور بالبلدى يعنى خط رقم كام 10 ولا 20 ولا 30 طبعا هنلاقية رقم 10
هنقوم جاين عند الف ونطلع بادينا كدة معاة لرقم 10 فى الخط الراسي ونعمل علامة
نيجي للحرف اللى بعده فى الخط الافقى هنلاقية حرف ب ماشى نشوف حرف ب فى الكنتور واقع فى خط رقم كام هنلاقية فى 20 نيجي بردك عند الخط الافقي ونشوف فين ب ونطلع معاها لغاية رقم 20 فى الخط الراسي وهكذا
لغاية مانوصل لحرف ال و وحرف ال ز اللى هى اصغر دايرة فى خريطة الكنتور هنلاقيهم واقعين عند خط الكنتور 60 هما الاتنين ماشى
هنبدا بقا من حرف ال ح هنبدا لبقا نرجع تانى بالارقام احنا وصلنا لاخر حاجة اللى 60 نبدا ننزل بقا من 50 ل10
ماشى اول مانخلص نوصل النقط اللى احنا عملناها زى الالعاب اللى فى مجلات الاطفاال هتلاقي طلعلك شكل الجبل
يارب تكونوا فهمتوا يا شباب واى استفسار انا موجود

مشرف

يارب تكونوا اسفتدوا يا شباب

جغرافي اصيل

شكرا اووووووووووووووووووووى ليك
ولمجهودك ده
جزاك الله كل خير
بجد شرحتها بطريقة كويسة
[i]

مشرف

شكرا ليكي يا توته ويارب تكون الفكرة وصلت للجميع

جغرافى نشيط

تسلم ايدك يا برنس يار يت تشرح كل المائل بالطريقه دى
اصل اخوك مش فاهم حاجه خالص

مشرف

اهم حاجة انكم فهمتوا يعنى
معلش بقا مفيش صور كانت وضحت اكتر

مشرف

انت
تماااااااااااااااااااااااااام

انا مش عارف اقولك اية

انت كنت ضايع

بس انا كدة كة ضايع يعنى

تسلم ايدك

مشرف

مش فاهم
يعنى انت فهمت ولا لا

مشرف

لا لا فهمت

بس الدور والباقى على المواد التانية بقى

» مسائل القطاع
» طريقة عمل المجسم التضاريسي والخرائط الكنتورية --::::::::::::::::◄
» مقارنة مهمة فى العملية والخرائط
» امتحان الشفوى فى مادة العملية والخرائط
» ومر امتحان العملية والخرائط فى امان الله