دعاء مصري مطحون

مشرف

:::: دعاء مصري مطحون ::::

اللهم أنقذنا من نفسية الزملاء.. وغباء الأصدقاء

اللهم ارحمنا من استبياع الجيل الجديد..
وحرائق السكة الحديد

واستقصاد كل مدير.. وندالة القرايب
الصغير منهم والكبير

اللهم أغثنا من كل عميل .. ومن فواتير موبينيل

اللهم أرحمنا من تشريفة عربيات المسئولين ,
وزحمة الشوارع في كل حين

وسحب الرخص في كل كمين.. من الغلبان مش م المتين
اللهم أهدى لنا سواقين الميكروباص
ومدير الشركة البصباص

اللهم ارحمنا من الشئون القانونية وشئون العاملين
واللي بيقفوا فـ وسط الشارع فجأة وبدون إشارة يمين

اللهم قنا شر الكليبات..
وشر شلل البنات.. ولؤم الستات
وغباوة الحموات

والمينيمم تشارج كافيهات..
وهيافة الصحف والمجلات

وقطع الحرارة فجأة عن التليفونات وقت الزنقات
والمدارس اللي بتطلب تبرعات بالألافات
ووقــــوع السيــرفـــر وقفلـــة السايتـــات

اللهم ارفع مستوى الزمالك ..
لمستوى انبى والحدود.. أو حتى مستوى أسمنت أسيوط
أو أرسل يارب عليهم صاعقة..
بدل ما يخلونا نموت ..

اللهم سدد أقساطنا .. وضلل عنا مآمير الضرايب

اللهم ارزق جيل الوسط عقود عمل في ليبيا وقطر

اللهم افتح لجيلنا القديم الطريق الفسيح
حتى ننظف انتخابات البلد من لعبة المراجيح

اللهم ارحمنا من الاكتئاب مرض العصر والشباب
واحمي يارب سماء مصر من سحابة الهباب
واكفنا شر صاحب الدقن الكداب
وصاحب التصريحات النصاب

اللهم ارزق كل بنت بعريس هدية..
وكل شاب بوظيفة وشقة وعربية

اللهم أحرق الـ0900
واضرب الحرامية بالحرامية

ونجح أي طالب في أي كلية
حتى ولو كان في التربية الموسيقية

آآآميين آآآميين

مشرف

انت شايل في قلبك جامد ياض

مشرف

ده من كتر الطحن بقي عامل زي الدقيق

مشرف

اوى بس من الناس من الحكومه وربنا ياعم
ربنا يسترها معانا ياعم
نورت يا جميل

مشرف

عندك حق يا مهدى
نورت التوبيك ياجميل

مشرف

ده نورك يا باشا

المدير العام

هيا ناقصة يا ابراهيم

قلبت علينا المواجع

ربنا يينه ويعيننا

مشرف

معلش يا احمد والله الواحد هيطق
بس الحمد لله

نورت يا جميل

» حوار مع مواطن مصري
» عاوز تبقى مصري .......أقف في الطابور!!!!!!!!!!!!1
» ذكاء مصري و غباء امريكي ......................
» أذكى طفل في العالم(عربي الجنسية)مصري
» تعرف منين لو الفيلم اللي انت بتتفرج عليه مصري!!!!!!!!!!!!!!!!!!