ضباط الشرطة ينشئون جروبا على الفيس بوك ردا على جروبات خالد سعيد..ويطالبون زملائهم بنبذ العنف والعدل والابتعاد عن المصالح الشخصية

المدير العام

جروب ضباط الشرطة المصريين - دلتا اليوم

ضباط الشرطة ينشئون جروبا على الفيس بوك ردا على جروبات خالد سعيد .. ويذكرون الناس بشهداء الشرطة الذين ضحوا بانفسهم من أجل الوطن .. ويطالبون زملائهم بنبذ العنف والعدل والابتعاد عن المصالح الشخصية

الاحد 4 يوليو2010 21.50

كتب / ابراهيم ابوهيف

رداً على جروبات الفيس بوك المنتشرة ضد رجال الشرطة ووزارة الداخلية بسبب ما يحدث من تعذيب لبعض المواطنين التى ادت لوفاتهم مثل الشاب خالد سعيد واخرهم كان الشاب محمد صلاح الذى لقى حتفه من الدور الثالث لقسم شرطة بنى عبيد على يد اثنين من المخبرين ويخضع للاشراف الطبى الان فى مستشفى المنصورة الدولى .

اسس بعض من ضباط الشرطة على الفيس بوك جروب بعنوان ضباط الشرطة المصريين وأعلنوا فيه أن سبب تأسيسهم للجروب هو رد فعل على الحملة الشعواء التي نتعرض لها مؤخراً نحن ضباط الشرطة المصريين ، و كأننا من عالم آخر ، أو كأننا قوات احتلال دولة أجنبيه ، و على الرغم من أنه لا يستطيع أحد من هؤلاء الذين يهاجموننا ليل نهار أن يتحمل ما نتحمله ، واضاف مؤسس الجروب أن لا أحد يستطيع أن يتحمل العمل لسنوات طويله دون أجازه أسبوعيه ، أو أي أجازات أخرى تذكر ، لا يستطيع أحد أن يتحمل عدم حضور الأعياد و المناسبات مع أسرته طوال حياته ، لا يستطيع أحد العمل لسنوات طويله في الشارع ، و تحت ظروف جويه قاسيه ، ناهيك عن الزحام و التلوث و ضغوط العمل ، لا يستطيع أحد النوم في العراء إلا إذا كان من بين المحتجين أطفال شوارع ، لا يستطيع أحد التعامل مع المجرمين طيلة الوقت دون أن تنهار قواه و أعصابه ، و بالطبع لا يستطيع أحد أن يتحمل خطر التعرض للموت كل يوم .

وطالب مؤسسى الجروب زملائهم ضباط الشرطة بالاتى : نبذ العنف نهائياً .. و الامتناع تماماً عن الايذاء البدني أو المعنوي لأي مواطن ، حتى و إن كان مجرماً ، حتى و إن كان العنف هو الوسيلة الوحيدة للتعامل معه و ردعه .

ثانياً : الامتناع تماماً عن تأدية أي خدمات للأقارب أو المعارف و معارف المعارف من نوعية : ( رخصتي اتسحبت ، أو عايز أطلع رخصة ، أو ماتعرفش حد في قسم كذا ، ماتعرفش حد في شرطة الكهرباء .. إلخ ) .

ثالثاً : عدم التجاوز نهائياً و (تحت أي ظرف) عن أي مخالفة للقانون يرتكبها أي من المشاهير سواء من رجال الصحافة أو رجال الإعلام أو أي من الشخصيات العامة ، و ذلك كاسهاماً منّا في محاربة الفساد في هذا المجتمع و لأن الوطنية لا تتجزأ .

وقام محمد ابو العز مؤسس الجروب بتذكير الناس بشهداء الشرطة الذين ضحوا بارواحهم فداء للوطن مثل الشهيد النقيب أحمد عبد اللطيف سليمان شوقى عبداللطيف الضابط بقطاع الأمن المركزى حيث أنه كان مشاركا فى إحدى الحملات الأمنية التى كانت تستهدف بعض العناصر التى تقوم بالإتجار فى المواد المخدرة بمنطقة الجعافرة بشبين القناطر بمحافظة القليوبية وإستشهد على أثر إصابته بطلق نارى حال مواجهته لعدد من المتهمين الخطرين المطلوب ضبطهم لإتجارهم فى المواد المخدرة ، والكثير من نماذج شهداء الشرطة ومنهم من رفض الحصول على رشاوى .

وأكد ابو العز إن كان خالد سعيد قد قتل فإن من قتله يجب أن يحاسب ، و إن كان لم يقتل فإن كل من ضلل الناس يجب أيضاً أن يحاسب .

وقال احد الاعضاء ويدعى دودى بسيونى موجها كلامه لرجال الشرطة حرام والله الي بتعلموه في الشعب ياريت تتخيل ان ده اخوك او ابنك او تخيل نفسك مكانه هل هترضي ده لنفسك بس ياريت متنساش عقاب ربنا ليك في الأخرة وسعتها المظلوم الي انتا عذبته هياخد حقه منك يريت تخاف علي اهل بلدك ياريت تفتكرقول الرسول الظلم ظلمات يوم القيامه يريت تشوف صفحة الشاب خالد سعيد اللي قتلوه زملائك من ضبابط الشرطه معدومي الضمير وتخيل نفسك مكانه .

ويقول محمد فتحى سعد احنا طبعا بنميز بين الطيب والخبيث بس فعليا في ضباط من كتر التعامل مع المجرمين مبقوش يعرفوا يحترموا حد هم اتعودوا يتعاملوا مع مجرمين مش فارق معاهم السجن بس لازم يعرفوا انهم كمان بيحتكوا بمواطنين محترمين الرد الخشن بيجرح مشاعرهم مش السب والضرب القضية اكبر من تعذيب وقتل دي نتايج وتتطور لحالة وصل ليها كتير من رجال الشرطة و فعلا لو كلامك ده عمله الضباط انا اشيلهم علي راسي احتراما ليهم .

ويقول احمد مصطفى يا سادة كلنا بنحترمكم بشكل عام ، والحملة اللي بتتكلموا عنها ضدكم هي مش ضد كل رجال الشرطة هي ضد الفساد والفاسدين اللي موجودين في كل مكان ، بالنسبة للشرطة اللي المفروض إنها بتراعي أمننا إحنا كمواطنين ، واضح إن دي ما بقتش الأولوية عندهم كل اللي نفسنا فيه إن كل ضابط شرطة محترم يسمعنا صوته وهو بيعترض على المهازل اللي بتحصل من أول التعذيب ، مشاهدة التعذيب في أقسام الشرطة لغاية إهانة المصري وهو في الشارع بيطالب بحقه ويعبر عن رأيه بشكل سلمي ، كذاب اللي يقول إن ده ما بيحصلش ، وكذاب اللي يقول إن كل ضباط الشرطة كده ، بس للأسف ، الكويس منهم ساكت وبرضه بيسمع كلام رؤساؤه حتى في الغلط ، كلنا بنتعب في شغلنا ، وكلنا عندنا ظروف صعبة ، فعلا ظروف شغلكم غالبا أصعب ، بس انت اللي اخترت الدور ده ، فياريت ما يطلعش على دماغنا إحنا .

ويقول عمر الحداد معلش يا جماعه بس اعتقد رجل الشرطه هو اللي عمل المستحيل عشان يخش كليه الشرطه هو اللي اختار الوظيفه دي بنفسه ليه بيتباهي علينا بتحمله وتعبه دي وظيفتك اللي انت اخترتها محدش اجبرك عليها وده لا يعطي مبرر باي شكل لمجرد صفع مواطن في كمين او في قسم شرطه ، مش عاجبكم اشتكو اتظاهروا واحنا هنتضامن معاكم ارفعوا قضيه علي وزاره ، الداخليه طالبوا فيها بظروف عمل انسانيه مش تطلعوا غلكم في الناس ده ملوش اي مبرر من اي نوع .

ووجه معتز عوض رسالة الى رجال الشرطة الشرفاء: لأنك ظابط شرطة بجد نفسي أعرف حاجة هو ازاي الظابط اللي زي اسلام نبيه اللي كان بيعذب عماد الكبير ده كان بيروح البيت ويقابل مامته ويتعشى معاه وتدعيله ، ازاي واحد زي ده يبقى اب بيخاف على ولاده؟ ليه بقه فيه نماذج زي دي في جهاز الشرطة ، وليه واحد زيه رجع تاني للخدمة برغم فظاعة اللي عمله...والناس كلها شافته فيديو التعذيب .

ويقول ايمن اباظة رئيس مجلس ادارة مؤسسة شركاء الحياة للاعلام والطبع والنشر والتوزيع وتنظيم المؤتمرات والمعارض موجها كلامه للمواطنين : هو دة الجهل بعينة اول ما نفتح باب نقاش وحوار ونعطيكم حق حرية التعبير يبقي مانشفش منكم غير السلبيات فقط لا غير ، بص حواليك كويس وشوف نفسك وانت نايم امن مستقر عشان فيه حد سهران برة بيحيمك ، فيه حد بيضحي بروحة عشانك ، مش معقول تبقي مش شايف كل دة وشايف موقف فردي لا يمثل الاغلبيه العظمي واذا لم نفتح باب الحوار يكون هجوم هجوم وبس شفتم بقي انتم بتوصلوا الواحد لايه ؟ زي ما انت ليك حق .. ضابط الشرطة ليه برضوه نفس الحق .

مشرف

مهو لو هنقضيها جروبات ع الفيس بوك
ودا يبقي اخر رد فعلا
يبقي احسن ناخد بالم ومنقلش اه
وضاعت فلوسك ياصابر

المدير العام

*-*