وحشتينى

مشرف

وحشتيني ...... وحشتيني
يا ساكنة في قلبي وفي عيني
يا عمري الجاي وسنيني
يا قمري وضي لعيوني

وحشتيني
يا زهرة الهوى الدافي
عيونك بحر ليل صافي
رميت قلعي ومجدافي
وقلت الموج يرسيني

وحشتيني
يا ملاكي وكل دنيايا
يا نجم عشقته في سمايا
يا روحي وعمري ومنايا
يا وهمي وعقلي وجنوني

وحشتيني

دا قلبي دقته باسمك
وحلمي رسمته كان رسمك
ياللي في جمالك وفي حسنك
عمر الحياة ما توريني

وحشتيني
بحبك أيوه مش خايف
وغيرك في عيني مش شايف
يا أحلى بسمة وشفايف
بكلمة منها تحييني

وحشتيني
عيونك في الهوى داري
وعايشك ليلي ونهاري
دا عشقك جنتي وناري
وحبك تاج على جبيني

وحشتيني
يا عمري يا كل أحلامي
وعايش بيكي أيامي
باهديك شوقي وسلامي
وأقول لو يوم تحسيني

وحشتيني
حاقوللك إيه وأعيد تاني
حاقولك برضه وحشاني
ياللي ف عيونك عنواني
وعايشة في كل تكويني

H

جغرافى نشيط

يا الله على هيك الكلام اكتير حلو
تسلملى يا كابتن اتش
توبيك رائع

مراقب عام

اصلى يا معلم
عليا الطلاق انتا اصلى
ايه ياد الحنان دا كله
وبرده فى حد هيحب حد مرحوم

واحشنى يا هيما

دى بجد هتشترى راجل قوى
وزى العسل
وبيموت كل يومينههههههههههههه
حبيبى
الزعل مرفوع

مشرف

بجد تسلميلى عيونك

نيس توبيك

جغرافي اصيل

شو هالجمال هاد كلوا
نااااااااااايس حلو كتير
مرسي كتير

مشرف

شكرا نورا على المرور
الله يكرمك ياعبودة دة بس من زوقك
مرحوم مرحوم بقى ياعم
ايه ياض ياعبودة واحشنى والله وبعدين هو الواحد هيلاقى واحدة على مزاجه فين ياعم
ادعيلى بس الاقيها
شكرا ياميزو على المرور
شكرا بنت غزة
نورتم كلكم

جغرافى نشيط

بجد تسلم ايدك علي الكلام الحلو دة
توبيك جميل

مشرف

شكرا زينه على مرورك