المعاكسة واجب وطنى .. فحت‏ ^_^

جغرافى نشيط

المعاكسة واجب قومي وحق اتجاه اي موزة نازلة الشارع وتاعبة نفسها ومتشيكه وحاطة ميكب ونازلة تقول للأرض اتهدي ما عليكي ادي ... عايزين ايه من الشباب يعني ... مش لازم يشجعوا المنتج المحلي... وكمان لما البنت دي تتعاكس والشباب يقرفها في الشارع اكيد هاتتربى وهاتتعلم الادب وتنزل الشارع بعد كده محترمة .... ماهو لو محترمة والله ما كانش حد قرب ناحيتها .

بس في مشكلة ...

البنت اللي لبسها كويس ولابسة اسدال كمان او خمار بتتعاكس ليه.؟؟؟.... ايه اللي بتتعاكس ليه ... اكيد ماشية تتمايع وتضحك في الشارع وحاطة ميكب اد كده ....لازم نربيها بردو وتنزل الشارع محترمه ... ساكتة ولا تنطق من اساسه ... مش بقولكم واجب قومي ... بنربي بنات مصر ...

طب واللي ماشية لابسه محترم ولا حاطة ميكب ولا غيره وماشية في حالها لا بتضحك ولا بتتمايع ماشية في حالها ... ...لأه بقى ما هي نازلة الشارع وحدها وقاصدة تتعاكس ايه اللي منزلها الشارع وحدها وهي عارفة الشوارع بقت عاملة ازاي ... ماهي لو محترمة بجد كانت نزلت مع باباها ولا اخوها ولا خطيبها حتى ... دي عايزة تعمل محترمة وتضحك عالشباب وتجيب عريس ... وبردو لازم نبينها على حقيقتها وتتعاكس علشان محدش يفتكرها محترمة ...

طب واللي نازلة مع اخوها ولا خطيبها ولا حتى جوزها (مش نازلة وحدها اهو) ويطلع لها واحد من ورا خطيبها ولا اخوها بيبصبص ليها كده من ورا ضهر الراجل الغلبان وعمال يشاور ويعمل حركات ويقرفها ... ... يا سلاااااااااااام ومين قاللك ان ده خطيبها ولا اخوها .. تلاقيها الواد اللي ماشية معاه ماهو لو كان خطيبها كان قعد يشوفها في بيتهم .. وانا بعاكسها علشان اعرفهم قيمتهم هما الاتنين علشان يتربوا ويبطلوا صرمحة في الشوارع ... مش بقولك واجب قومي علشان البلد والله....

طب واللي واقفه في البلكونه الغلبانه بتنشر ولا بتجيب حاجة بالسبت بيطلع لها ميت واحد من الشارع راصدينها واللي يعاكس واللي يشاور.. الله ما هي قاصداها اهي وطالعة البلكونة علشان الناس تشوفها وتتعاكس .. هي اللي عاوزة تتعاكس من الاساس .. وانا لما بعاكسها بوريها قيمتها اصلا ... هي ايه اللي طلعها البلكونة من الاساس .. تنشر .. هههه دي تلاكيك يا عمنا ... دي عاوزة تتعاكس ... ماهى لو محترمة والله ما كنت هاقرب ناحيتها ...

طب واللي قاعدة في بيتها يا ناس .. ويطلعلها من الشباك اللي عمال يبص ويبحلق فيها ويعاكسها ... شوفت اديك قلت بنفسك ياعم ... هيا اللي فاتحة الشباك علشان الراجل ده يشوفها ويعاكسها ... وتلاقيها كانت بتتمخطر قدامه رايحة جاية ومتشيكه علشان يشوفها ويعاكسها .. هي لو محترمة تفضل في بيتها وتقفل الشبابيك والبلكونات والبيبان كلها وتقعد تحت السرير كمان علشان تبقى بنت محترمة بصحيح ومحدش يشوفها خااااااالص وتدفن نفسها بالمرة...

على فكرة انا بوضح لكم ان اللى بيعاكس بيحلل تصرفاته على انه صح وبيقنع نفسه بكدة بس هى غلط مية فى المية واتمنى منكم كثير الردود

جغرافي خبير

قوم يا مصـــــــــرى المعكسه دايما بتناديك قوم يا مصر ى المعكسه دايما واجب عليييييك

اصـــلى فحت lol!

جغرافى فعال

على فكره هيا الحكايه كلها حكايه نخوه ورجوله فيه شباب مفكرين انهم علشان مش علشان اخوات بنات يبقى عادى لما يعاكسوا وناس تانيه يقولوا انا مربى اختى احسن تربيه والحورات الفكسانه دى كلها مع انه زى الراجل لو ماشى مع اخته وحد عاكسها بيعمل فيها بهلول والى ما جابتهوش ولاده ويتخانق مع الى عاكسها على فكره هوا مش بيتخانق علشان الشخص ده عاكسها لا علشان يثبت نفسه قدام اخته انه راجل وده بحكم انه لو ماشى مع اخته وشاف بنت برده جميله ممكن للاسف يعاكسها يعنى مضمون كلامى لو كل واحد فينا خاف على اخته او والدته بجد عمره فى حياته ما هيقرب من واحده ويمسها باى كلام يأذيه وبرده رساله تانيه موجهة للبنات فيه بنات كتير جدا غيروا نظره الشباب للبنات كلهم يعنى لو هما برده يخفوا الى هما بيعملوه فى الشباب من لبس والمسخره الى كتير مننا لو شافها على بنت اجنبيه هيقول دى طبيعه لكن الى مش وارد ان الى بتعمل كده بتبقى مسلمه وعارفه من وقت نزولها من بيتها انها هتشيل اوزار كل شاب نظر ليها يوم القيامه مش هتعرف تمشى من الحمل الى هيكون عليها ويارب يهدينا كلنا سواء شباب وبنات

جغرافى نشيط

انا طبعا موافقه ان البنت اللى نزلت من بتها ولبسها مش محترم او حطة ميكب دى نازله تعاكس طب اللى نازله مع اخوها اوكدة دى ليه يتكلمو عليها اصلا دول بقى الشباب اللى مش محترمين اللى مش لاقين حاجة يعملوها غير انهم يعاكسو فى اللى رايح واللى جاى وخلاص

[b][u]

جغرافى نشيط

نورت التــوٍبيـ،ــك يا ســح ـس

بــجد مافيش كلأم اقوله ليـك يا مـح ـمد تسلم ايدك .. وجزـأك الله خيــرـأ

وتسلميلى يا ســندس ع ردك الجميـــل ...بس فـ الوحش وفـ الحلوـو

فـ بنات حلوة ومحترمه وفـ بنآت كزـأ .. وفـ تبعـأ رجاله محترمه وفـ رجاله .. استغفر الله

جغرافى نشيط

تسلم الموضوع جميل والمفروض انو البنت تخرج محترمة حسب الاسلام حتي ما تلفت الانظار وما تتحمل اوزار غيرها والي سعيتها بيعمل هيك ده الله يتولي بيهم ,,,,شكلو احنا عنا اليود المستوطنين عملين واجب كبير اوي للاسلام ومريحين الشباب لانو كتير من بنات فلسطين اسيرات عند الاحتلال ( الله يفك اسرهم ) ومفضين الشوارع منهم بس احنا عنا مين الشاطر ابن ابوه وامه الي يعاكس بنت من فلسطين ده مش قريبها الي يربو ده المنطقة كلها تربيه ان ما كانت البنت نفسها تربيه هههه

جغرافي اصيل

معاك حق فلسطينية احنا ما بتسير عنا كتير والله الا نادرا
كلو بيخاف ناااايس توبيك جميل

جغرافى نشيط

ربنـأ يعينـــكم .. ـأنتم بـجد شعب محتـرم وطــيب وتبعــأ دـأ بيــحصل هنـأك علشآن فـ احترآم للمنطقه ولكبير المنطقه عندنا بس احنآ عندنا الحكومه هى اللى عآوزه كدـأ نبعد عن الحآجآت المهـمه .. ونركـز فـ البآدى تير تيرـر ..

تسلموـولى ع ردودكم الجميـــله .. ^^__^^

» خريطة طبوغرافية لاقليم القناة --::::::::::::::◄
» مين قال المعاكسة غلط....؟
» مين قااااااااال ان المعاكسة قلة ادب .......؟؟؟
» المعاكسة ثيم وفن ومبادىء وتشجيع على التقدم والازدهار يلا قول رايك !!!! حوده