والله ولسه فيكى نخوة يابلد

مشرف

بسم الله الرحمن الرحيم
السلام عليكم

من غير مقدمات فيه بلد اسمها محله روح قبل المحل الكبيرة بقريتين وبعد طنطا بقريتين بردة على نفس طريق السريع طنطا _ المحله الكبرى ....تمام ؟؟!!
المهم قدام المعهد الدينى الابتدائى فيه بيت متاجر لشاب وسخ " انا اسف" مش من البلد وساكن فيها وفاتح في الدور الارضى مصنع وفى الدور التانى فيه كل حاجه بقى دعارة ومخدرات وكل الكلام دة المهم البلد عامله نفسها مش واخدة بالها عسى ان ربنا يهديه وانبارح الظهر بنت فى تانيه ابتدائى طالعه من المعهد حاول انه يعنى يجرى وراها عشان يغتصبها فالبنت جرت راح معروها فى دراعها بمطوة المهم ابوها اخدها وراح المركز وعمل محضر والمستشفى وكدة وفجاة باليل حوالى الساعه 10 مساءا البلد كلها قررت انها تموت الواد دة عشان يعنى مش اول مرة فراحت بس للاسف الواد كان هرب فاذا بصوت استاذ كان لينا فى المدرسه واحنا صغيريين بيقول "لو رجاله دمرولو البيت وطلعوا مش عارف ايه ....."
رحنا طالعين شباب ورجاله وكل الطوائف اللى فى البلد وولعنا فى البيت من فوق وتحت وتلفزيون وسخان وانتريه ونوم دش وسخ زيه طبعا بتلاته كامه المهم ولعنا النار فى كل دة والنور اتقطع والمطافى جات بس معرفتش تدخل وبصوا كانت مجزرة عشان عيل يدخل بينا وغريب
للعلم مفيش اى حد مسحى بينا فى البلد ومرة كان جماعه مسحيين دخلوا البلد وقرورا انهم ياسلموا وبالفعل البلد وقفت جنبهم وساعتدهم وكدة
بجد بلدنا ياجماعه كانت زمان اسمها محل الراحه واللى حصل انبارح دة اكد الكلمه دى

دة فيديو للى حصل

جغرافى نشيط

بجد بجد بلدكم دى بلد جدعه قوى ولسه فيها رجاله بتفكر وبتدور على حريتها وكرمتها وبجد دى خطوة ايجابية فى البلد لان بعد كده الى هيفكر يعمل حاجه زى كده فى بلدكم عمرة ما هيقدر يعمل حاجه لانه هيلاقى ناس تقافله الدور والباقى بقى على باقى القرى الى فيها زى كده وفيها تجار مخدرات والناس سيباهم براحتهم قال والامر انهم بيرشوا بتوع امن النقطه عشان يسبوهم براحتهم هى دى الجدعنه بتاع ولاد البلد بدل مايصلحوها يخربوها ربنا يستر علينا وعليكى يامصر

مشرف

شكرا على المرور
والحمد بجد بلدنا انا فعلا فخور انى اتولد وعايش فيها وزى مقلت زمان كان اسمها "محل الراحه "

مشرف

فعلا احنا بجد محتاجين وقفه زي دي قدام حجات كتير
زي المخدرات الدعاره الخمرا الي بتتباع عيني عينك في الشارع زيها زي الحاجه الساقعه

مشرف

يقول الرسول الكريم
"من راى منكم منكرا فليغيرة بيدة فان لم يستطع فبلسانه فان لم يستطع بقلبه وهذا اضعف الايمان"
ويقول الله تعالى
"كنتم خير امه اخرجت للناس تامرون بالمعروف وتنهون عن المنكر وتومنون بالله "

الحكايه عايزة خطوة ياجماعه مننا احنا

المدير العام

الله عليكي يا بلد
طول عمري وانا بحب محلة روح
دايرتنا بقى ولازم تبقى اجدع ناس

وللا انا غلطان يا ابو خليل

مشرف

الله يكرمك يابوحميد
ومحله روح جميله بوجود ميت حبيش وتكون البلدين فى دايرة واحدة

مشرف

للمتابعه عبر الصحف

اليوم الســــــابع
http://www.youm7.com/News.asp?NewsID=292958&SecID=203&IssueID=0

الشـــــــــروق
http://www.shorouknews.com/ContentData.aspx?id=318084

موقع عمرو الليثى
http://amrellissy.com/vb/t18709.html#post44180

مراقب عام

وآلله رجــآلــة تسسسلــــــــــــم يــآإبرآهيــم علــىآ آلتغطيــة آلرآئعــة دىآ

وآلله دآ اللــىآ زىآ ده يتعــدم فــىآ ميــدآن عـــآم

طبعــآ من الشعب لآن الحكــومــة Sleep

فــىآ آنتظــآر آلمزيد........

مشرف

الله يكرمك يابوحميد
وفعلا العرف لازم يرجع من تانى ومش كل حاجه نقول فيه قانون والقانون لازم يمشى اللى يغلط او يخرج عن العادات اللى اتربينا عليها يتحمل اللى يحصله

جغرافى نشيط

تسلم ايدك يا ابراهيم عن جد اكتير بلدكم فيها ناس رجاله وجدعه اوى
انهم مش سكتوا على حاجه زى دى وتخلصوا منها وبجد هى اكتير حاجه كويسه
لانها هتمنع اى شئ يحصل فيها تانى لانهم عرفوا مصير اى حد يفكر
انوا يعمل الغلط واللى حصل دا هو الصح
وربنا يهدى كل من كان
وياريت كل القرى الاخرى تحاول تصلح من نفسها
لان فى قرى تانيه اكتير فيها كل الحاجات اللى مش كويسه واصحاب البلد بيفضلوا ساكتين
ومش بيقدروا يعملوا اى حاجه غير انهم بيتفرجوا وبس على اللى بيحصل

» ازاى تخلى الولد يحبك ويموت فيكى للبنات
» ملتقى طلاب الفرقة الاولى
» والله في تطور
» ( والله حتتصدمو ! )
» رسومات مادة السكان د/علاء والله الموفق