ازيك ياريس .......................!@!@!@!@

جغرافى فعال

بعد التحية وبعد السلام

ازيك ياريس وازي المدام

وقبل مانسي انا بشكرك

عشان يعني بتسال علينا

ربنا يا ريس يقدرك...ويخليك كمان لينا

شكرا ياريس..شكرا يا ريس علي كل حال

الشعب كويس وفل وعال العال

الشعب واكل...ماعندوش مشاكل...والشباب شغال

والي يقولك في البطاله

والموصلات مش شغاله

والحكومه بقي حالها زباله

ولازم تتشال...نبعتله بسرعه ولاد الحلال

من قفاه هايشحنوه...وهايكرموه ويشغلوه

في ابو زعبل يكسر جبال

واهو احسن من قعدت القهاوي

ويقعد يقول كوسه ورشاوي

ويقول عليك كلام بطال

وفي الختام...مني السلام

لبطلنا الهمام...بطل الوعود وكتر الكلام

وادي القصيده...انا مابخفشي وهافضل اقول

كلمه الحق عليها مسؤول

ان الريس راجل طيب...وبشعبه دايما مشغول

مشغول انه يلم فلوسنا

برا سويسرا يحوشهالنا

وفي حسابات سريه يشيلهالنا

نفسه يأمن مستقبلنا

شوفته ازاي بقي قلبه رحيم

عنده ايمان وضميره سليم

ويجوعكو عشان تخسو

ايوه يا شعب محتاج ل رجيم

من جهلكو بتقولو بطاله

وان الاحوال مش شغاله

دا راجل نفسه يريحكم

هيا الراحه تبقي عواله؟

اما حكاية المنتجعات

ليه بتسموها معتقلات؟؟

ليه الظن وسوء النيه...نفسه يفسحكو يا بهوات

اما الكراسي والي اتقال

دا كلام مش محتاج لسؤال

الغلطه دي غلطتنا يا عالم

احنا الي ماجيبناش كراسي تقال

والله انتو ظالمين الراجل

ضيع عمره ومين يستاهل

حتي الاكل بياكلو بدالنا

طالع واكل...نازل واكل

بقي بعد دا كله ماله الريس

طبعا انتو عارفين من غير ماقول

الي جوانا اكبر من الكلام

خلص الكلام وماعتش له لزمه

تعبنا من الي بيحصل حوالينا

والباقي انتو عارفينه

مراقب عام

تحيـآ مصـرـر Exclamation