سري جداااااااااا top secret

ليه الصحاب مبقوش صحاب


ليه الصحوبية مبقتش (صدق -اخلاص -ووفاء
يمكن علشان الواحد مبقاش يعرف يختار صحابه
ولا ممكن يكون فيه عيب في الانسان نفسه
اللي انا اعرفه ان الصاحب اكتر من الاخ


هو احنا بنعيب ع الصحاب


دا الاحباب طلعو اكتر من الصحاب
تبقو امبارح حبايب
تيجي النهاردة تقولك خلينا اصحاب
طب انتي كنتي فين من الاول

ماعلينا

المهم ياجماعة
اهم حاجة في الدنيا دي انك يكون عندك مبدا في كل حاجة
حتي في اتفه الاشياء
واهم حاجة برده
ان الانسان يعرف يختار صحابه
اي نعم الزمن ده كله بيقول فيه (مصلحتي اول)
انا مع الكلام ده بس ميكونش علي حساب ناس تانية
يعني انا مصحبش واحد ويئتمني علي كل حاجة في حياته
وانا اول ملاقي صاحب احسن او مصلحتي تنتهي معاه اسيبه
بالذمة دي تكون صحوبية.
اويعني انا احب واحده
وبعدين ازهق منها او اشوف واحدة تانية احلي او يحصل اي موقف تافه واتلكك عليه
او اجي اقولها خلينا اصحاب احسن

بالذمة دا ينفع
دا الي بيحصل دي الوقت
وبقي شبه لعبة مع الولاد والبنات
والجدع الي يعمل كدة في التاني

فين المبدا
وفين الحب اللي اتفقو عليه
وفي الامانة بتاعة الصحوبية

كل شىء انتهي

ليه بنعمل كدة
ليه بنكدب علي بعض
ليه بنخون بعض

استحالة تلاقي عند اي حد عمل كدة اجابة


واالغريبة بقي ان ممكن بعد ميحصل كل ده
ممكن يجي يقولك او تقولك
خلينا اصحاب


بس مش معني كدة بقي ان مفيش اصحاب مخلصين لا بالعكس
فيه ومخلصين قوي كمان
وفيه ناس بتحي ومخلصين للي بيحبوهم بس مش كتير
لانهم نادرين
بالذات في الجامعات



فيه حاجة احنا مش واخدين بالنا منها
احنا داخلين الجامعة مش عشان نتعلم
لا احنا اتعلمنا كتير (ابتدائي - اعدادي - ثانوي )
احنا داخلين الكلية
علشان نخلص تعليم
ودا المفروض

قليل اللي بيعمل كدة
كله بيقول
ياعم قضيها صبيان وبنات مش صبيان وبنات
هواحنا حنقضي حياتنا كلها كدة
مش حنتعلم من الدنيا اي حاجة


امنا ياجماعة لازم ناخد بالنا من نفسنا في كل حاجة
في التعليم
وبالذات في الحياة الشخصية
ونسبنا من اشتغالات الصبيان للبنات. والبنات للصبيان
انا مبقولش محدش يحب حد
لا بالعكس



الحب دا اجمل شيء في الدنيا واحلي حاجة في الدنيا
وبردة الحب اوسخ حاجة في الدنيا وافظع حاجة في الدنيا

بمعني اللي شايف نفسه ممكن يوفق بين الحب وهو في الدراسة وهة كذلك
بس ميندمش بعد كدة لو حصل اي حاجة

واللي شايف نفسة مش حيعرف يمنع نفسة يقدر الامكان . خلص دراستك وبعدين حب زي مانتا عايز بس حتكون كسبان علشان مضيعتش وقتك

والكلام ليا طبعا قبل اي حد تاني
وكل واحد ياجماعة ليه وجهة نظر
الاختلاف مش غلط
الغلط ان احنا نعرف الغلط ونتمادي فيه


ياريت اللي يقرا يعلق ويقول رايه
علشان نعرف ااحنا بنفكر ازاي

لسة هقرا كل ده ...... ؟

اناموافق معاك ان الصداقه الان اصبحت مصلحه ومجرد ان الصديق ياخذ الا يحتاجه من صديقه يبعدعنه وبعد كده يتكلم عليه من وراه بس مش الكل كده وبالنسبه للحب فهو جميل بس مش فى كل الاوقات وممكن نحب مع الدراسه والحب يكون جميل لما الا تحبه يكون هو كمان بيحبك بجد وفى الوقت ده هاتكون سعيد بجد ومش هايفرق انك تحب فى الدراسه

لاطبعا اكيد فى صداقه لكن بتكون بين الاصحاب بجد مش اى اصحاب مش كل صداقه يبقى فيها مصلحه

بالنسبه للاصحاب لا لسه فى اصحاب بجد ومصلحتهم هى مصلحتك وبجد اكتر من الاخوات بص بصراحه الصواحبيه ديه مش صحوبيه الكليه لان فى الكليه كل واحد عايز مصلحته وبس علشان هم 4 سنين وكل واحد هيروح فى حده ويشوف مصلحته بص انا عندى اصحاب بقالى 13 سنه معهم من الحضانه واحنا مع بعد ولحتى دلوقيت واحنا مع بعض وزى الاخوات بالظبط
بالنسبه للحب بقى يا عم الحب ده زى ما انت قولت اجمل حاجه فى الدنيا بس حب ايه انى ارتبط بواحده ونعقد نحب فى بعض سنتين الكليه وبعد كده مع السلامه ده مش حب ده ممكن يبقى تسليه تضيع وقت لعب عيال اى حاجه من ديه انا من راى عايز تحب حب بس متحبش اى حد حب الواحده اللى انت هترتبط بيها وهتكمل معها حياتك

انامختلفةمعاك جداجداجدا ف اصحاب واجدع اصحاب ف الدنياكلها لدرجه انهم بيقوفواجنبك اكترمن اخواتك اما الحب هو فيه بس حب اليومين دول غريب اوي اوي اوي يعني الولديكون بيحب واحده جداجداجدا وهي كمان بتحبه بس هي متقدرش انها تصاحبه اوتتكلم معاه ف كلام حب يقوم هويتقلب ويصاحب بنات عشان يغظها وهومش عارف ده بيجرح قدايييييه مش بيغيظ والموضوع ابسط مايكون هو لو ركز هيفهم!!!!!!!بس ارجع واقول كل شئ قسمة ونصيب(وادخلوا البيوت من ابوابها)ده لوليه نصيب فيها وساعتها هيفتكروا كل حاجة وهي وهو يحمدوا ربنا انهم مبوظوش الحب ده بطيش شباب

عند ك حق واللة ا نا عندي صحاب احسن من الاخوات

الموضوع جميل جدااااااا
بس مين قال ان مش في اصحاب بجد واكتر من اخوات كمان والناس الي بتقول الكلية 4 سنين وبتعدي وكل واحد بيروح لحالة بالعكس دة احسن اصحاب واخوات بس الاهم انك تختار صح والي تختارة يبقي صحبك واخوك وكاتم اسرارك مش صاحب مصلحة وعايز منك محاضرات ولا اي حاجة وبعدها ولا يعرفك المهم تختار الصديق الصح وبعد كدة ممكن تقول دة اخويا ولا بتاع مصلحة وبجد اصحاب الكلية مش بيتعوضوا ابدا لانهم بجد يبقوا اكتر روح واحدة
وبالنسبة للحب الحب موجود بس الي يحترم الحب ويقدرة ويقدر الي امامة ويكون في دماغة اصلا الي بيحبها سواء بنت او للولد تكون نصة التاني وشريك حياتة والاهم تختار صح علشان مش ترجع تقول يارتني والاهم تكون تتقي ربنا في الي بتعملةوفي الي بتحبة وتراعي ربنا في كل حاجة وتعرف ان ربنا شايفك وعارف انك بتعمل الاية
وبجد ليه الصحوبية مبقتش (صدق -اخلاص -ووفاء
يمكن علشان الواحد مبقاش يعرف يختار صحابه
ولا ممكن يكون فيه عيب في الانسان نفسه
اللي انا اعرفه ان الصاحب اكتر من الاخ هو فعلا اكتر من الاخ بس تختار صح والصحوبية صدق ووفاء واخلاص وكل دة لسة موجود
اسفة للاطالة

بصي يا استازة ماري خليل
انا عرفت طبعا من كلامك حضرتك مين وتقصدي مين بصرف النظر عن الاسم المستعار
والا اكون معرفتكيش كويس ولا انا غلطان


انا مش معاكي في حكاية ان فيه واحد ممكن يسيب واحدة بيحبها بالساهل اوي كدة
وحضرتك بتقولي ان هو سبها وراح يكلم بنات تانية علشان يغيظها .
دا مش صح ومش مظبوط.
الحكاية كلها انه يئس وزهق وبقي عنده احباط .
حيخرج من كل دة حيروح فين لازم يفك عن نفسة وبعدين دول صحاب ومش بيتكلمو في حاجة تافهه دول بيتكلمو في حدود الدراسة فقط وانتي عارفة كدة كويس .
انتي عارفة ليه
اللي يحب عمره ما ينسي اللي حبه
بس البنات اللي يعرفهم محترمين لان هو مش بيعرف اي حد وانتي عارفة كدة كويس.

وبعدين انتي اللي عملتي كدة من الاول.
محسستهوش حتي انك بتهتمي بيه.صح؟









وشكرا علي مرورك ع التوبيك
وربنا يوفقك
وانا في انتظار ردك

اولا طبيعي انك تعرف انامين واناولا داخلة باسم مستعارولاحاجة اناداخله باسمي ثانيا انامكنتش اقصدحد بعينة عشان تقولي انا اللي بدأت انامش فاهمةقصدك ثالثا لوتعرفني بجدهتعرف اني مخطوبه رابعا شكرالأهتمامك الزائدلرأي دون اي رأي تاني وانا اسفه لوراي ضايقك اوضايق حدتعرفه بس دي كانت صدفة مجرد صدفه مش قصدي حد

انا اللي اسف
انا افتكرتك حد اعرفه

تسلم يا صيفى نيس توبيك مش اى حد يتصاحب من حبك حبه ومن خانك خونه تقبل مرورى .

يا اخت مارى رايك كان ممتاز وافضل ما فية
(ادخلوا البيوت من ابوابها)
ومتهيقلى الكلمة دى كافية ان اى حد يحترم رايك

وبالنسبة لاخ محمد الوضوع ده جميل بس اكيد شكل ما فى ناس بدور على مصلحتها الاول فى ناس برضة بيكون اصدقاء بجد اما بالنسبة للحب اللى انت بتكلم عنه انا شايف انه خط كبير ان الواحد يفكر فية دلوقت (واتقواالله فى انفسكم)

ماشى يا على هو كلامها صح بس مع احترامى لشباب المنتدى البنات كلهم مغرورين .

لية يا منعم كلهم مغرورين

الموضوع ده محتاج مناقشه جامده
والمفرض نختار اصحابنا الاول مش اول مانشوف حد نجرى عليه نصاحبه من غير مانعرف طبعه ايه
وبجد انا عندى اصحابى دول اكتر ناس بحبهم لانهم فعلا اصحاب بجد




اما بقى موضوع الحب ده

كفايه رد الاعضاء اللى منورين التوبيك ومنورين المنتدى كله

شكرا أستاذ علي

العفو مارى بس انتى رايك فعلا يحترم

يا جماعة مش معنا ان انا اخنلفت الاخت ماري
دا مش معناه ان هيا غلط
لا طبعا.
كل واحد ليه وجهة نظر
والمفروض كل واحد يحترم وجهة نظر التاني


ولا ايه يا (ماري -علي -منعم )
وانا طبعا بشكركم جامد جدا
لاهتمامكم بالموضوع دة

فعلا يا صيفى كل واحد ليه وجهة نظر مختلفه عن التانى بس صراحة نيس توبيك استمر يا كبير .

يا جماعه اختلاف الاراء شيى جميل وبيبن شخصية كل واحد بس حاجات من المفروض مفهاش اراء لانها منهيه بالنسبة لنا مثال الكلام اللى اخ محمد قاله فيما يخص الحب هو حرام يبقى هنا مفيش اراء هنا القرار منهى اصلا بالنسبة لينا

والله ياشباب انتم فايقين
ياصيفى الموضوع جميل جدا ولازم يتناقش بس مش فى الوقت دا
انتا اخترت الوقت الغلط
احنا ايام امتحانات
تقبل مرورى المتواضع يا صاحبى