رخامه رخامه يعني !!

للى عنده السكر او الضغط لا قدر الله انا مش مسئول لو قرأ الموضوع هههههههه

VVV VV V




واحد ماشي في الشارع و لابس كوتشي ابيض ليه؟!
عشان ماشى مع الطقم

لية الهرم حطين فية حديدة من فوق؟
علشان يشلوة منها و يمسحوا من تحته

واحد بلديتنا واقف قدام المرايا و مغمض عنيه ليه ؟؟
بيشوف شكله و هو نايم

واحد صينى طلع على القمر يا ترى ايه اللى هيحصل للصينين ؟
هينقصوا واحد

واحد امريكى سافر القمر هيعمل ايه هناك؟
عنده ميعاد مع الصينى اللى هناك

ازاي نركب 4 افيال في عربية ؟
اتنين ورا و اتنين قدام

طيب مين هايسوق؟
الفيل اللي بيعرف يسوق

طب مين اللي هيقعد جنبه؟
اللي عارف الطريق

ليه أبو تريكه بيلبس فانله 22 ؟
علشان 21 ضيقه عليه

طيب ليه مبيلبسش فانلة 23 ؟
علشان فلافيو كان لابسها

طيب إيه هو الحيوان التعيس ؟
القطه ليه ؟
علشان دايما تخربش و مبتكسبش

طيب ليه التلاجه غبيه ؟
علشان بتحفظ الأكل ... مبتفهموش

واحد عنده 100 ولد جابلهم ميتسوبيشى يوزعها ازاى عليهم ؟
كل واحد خد سوبيشى

مره حلة رز شاطت جابت جون



ليه الأنسان مفيهوش بزر ؟؟!!
علشان بصره ...

ليه الغواصين بيتكلموا لغه الأشاره ... ؟؟؟
علشان الحيتان ليها ودان

مره واحد راح يشترى 3 بنطلونات جينز
واحدLevis و واحدLee و واحد لأخوه

ليه الصعيدي بيلبس شربات خضره؟
عشان خضره لابسه شرباته

ليه الصعيدي بيحط جنبه منبهين ؟؟
عشان واحد يضرب والتاني يحوش

فيل .... لونه أزرق ليه ؟؟؟
لأنه لابس تيشيرت ازرق !!

ايه هو الحيوان الاخضر الصغير الى بيأكل الزلط ؟
هو ابن الحيوان الاخضر الكبير الى بيأكل الزلط

عكس كونكريت ؟
لا تكن كريت

ايه هو عكس تلميذات ؟
dont tel me that

ليه التعلب تخين؟
علشان التعلب
fat fat



حاجه مشيه على الارض وبتعمل ززززززززززز ؟ ايه هى ؟
صرصار راكب متوسيكل

طب ناس دخلوا شقه عرفوا ان فيها صراصير ؟ عرفوا ازاى؟
لاقو المتوسيكلات راكنه جنب البلاعه

تعرف تقولى فرقين بين الليمون والزيتون ؟
ممكن تشرب ليموناده لكن مش ممكن تشرب زيتوناته
ممكن تقول الناس لامونى لكن مينفعش تقول الناس زاتونى

تعرف تقولى 5 فروق بين البطه والوزه ؟
فى حاجه اسمها بطنيه ومفيش وزنيه
ممكن تحلق زلبطه ومش ممكن تحلق زلوزه
الوزه كانت بطه زمان والشيطان هو اللى وزها
فى رحاله اسمه ابن بطوطه ومفيش رحاله اسمو ابن وزوزه
فى الصيف بنروح نبلبط فى البحر بس منوزوزش

طب خمس فروق بين الفيل والنمله ؟

البيوت فيها نمليه ومفهاش فيليه
ممكن رجلك تنمل بس عمرها ما تفيل

تقدر تاكل سمك فيليييه ومتقدرش تاكل سمك نمليييه
كل واحد له بروفيل بس ملوش برونمله
you can feel but you can namla !!!!!

ايه الفرق بين الفيل والبرغوت ؟

الفيل ممكن يتملى براغيت بس البرغوت عمره ما يتملى فيله

عكس نجوم؟
نُجعد

عكس زمان؟
the woman

ليه القطر بيصفر قدام الصيدليات ؟
علشان يعاكس القطره

ليه النمر بيجري ورا العربيه؟
عشان يشوف النمره

طب ليه القطر بيقف فى المحطه؟
علشان مبيعرفش يقعد

طب ليه بيمشى بعد كده؟
علشان زهق من الوقفه

ليه الكاسيت مبيخلفش ؟
علشان بنحطله شريط ههههههه

ليه الكتكوت مبيعرفش يكدب على الفرخه ؟
علشان هى الى فاقسااااااه

بيضه وقعت من فوق برج و متكسرتش ؟ تفتكر ليه ؟
عشان الحمد لله ربنا ستر

ازاى نحط غزاله فى التلاجه على 3 مراحل ؟
نفتح باب التلاجه
نحط الغزاله
نقفل التلاجه

طب ازاى نحط فيل فى التلاجه على 4 مراحل ؟
1-نفتح باب التلاجه
2-ونطلع الغزاله
3-ونحط الفيل
4-ونقفل التلاجه

فى طياره وشيله اجهزه كهربائيه وهتقع وعايزين نرمى اتقل جهاز نرمى ايه ؟
نرمى التلاجه علشان فيها الفيل

واحد بيعوم وفاجئه مات تفتكر ليه ؟
التلاجه الى فيها الفيل وقعت عليه

ليه الفراعنه كانوا عيال؟
عشان كانوا بيكتبوا على الحيطه

ايه قمه الادب؟
انك تخبط على التلاجه قبل ما تفتحها

ايه قمه الاستغراب ؟
انك تلاقي حد فتحلك بعد اما تخبط

ايه قمه الحيره؟
حد يدخلك اوضه مدوره ويقولك اقعد في الكورنر

ايه قمه الدهشه؟
انك تلاقي الكورنر

ايه قمه الهدوء؟
انك تسمع شريط فاضي

ايه قمه الهبل؟
انك تقلب الشريط

ايه قمه الغتاته؟
انك تعيد حته عجبتك في الشريط

ايه قمه الفقر ؟
انك تقع من طياره على باص كله بنات رايحين رحلة و تقع في حضن السواق

كلب فقد الذاكره هيمشي فى الشارع يقول ايه؟؟؟
هيقول ((نونونونونو لالا

صوصوصوصوصولاالا..

ماءماءماء.....

دخلوا الحمام دخلوا 1 2 3 خرجوا 3 2 1 ليييية؟
عشان دخول الحمام مش زي خروجه

ازاى تعرف البواب الصعيدى ؟
بينضف الاسانسير كل دور

لية الصعيدى بيحط خيارة تحت المخدة؟
عشان لو حط طماطماية هتتفعص

ايه هو المشروب المفضل للفراعنة ؟
لاااااااااااااااااااا موووووووووووون



ليه انت استنيت لآخر الموضوع ؟

عشان تشوف آخرتها ايه
__________________