(( لو زهقت من دنيتك أدخل هنا ))

المدير العام

لو انت زهقان من دنيتك وخلاص مش طايق العيش والعيش واللى عايشنها ؟
لو حماتك ولا مراتك طلعوا عينك وعين اللى خلفوك وخلاص مش قادر عليهم ؟
لو عايز خلاص تنتحر بس مستحرم تعملها وخايف تموت كافر ؟

تعالى هنا وانا اقولك ازاى تخلص من دنيتك وتكون كمان شهيد مش كافر؟

اخترلك حاجة من الحاجات دى :

1:- قف فى ميدان عام وقل رأيك بمنتهى الصراحة فى الحكومة والنظام والفساد ( وأدى ذقنى لو طلع عليك نهار . )

2:- قف فى طابور عيش واعمل نفسك فهلوى وحاول تتخطى اللى قدامك ( باقى الطابور هايكلوك قبل الخبز احيانا )

3 :- روح مستشفى من مستشفيات الحكومة علشان تعمل عملية جراحية ( بس بشرط اكتب وصيتك قبل الذهاب )

4:- روح مستشفى استثمارى لنفس الغرض ( هايفضوا بطنك من اللى فيها مثل الكلاوى والقلب والكبد والقوانص كمان )

5:- اركب اتوبيس نقل عام او ميكروباس ( بس بشرط يكونوا هايعدوا على ترعة او شريط قطار )

6:- زعل مراتك وارفض طلبها انها تصيف السنة دى ( بس بشرط يكون عندك ساطور محترم واكياس سودة )

7:- اعمل نفسك رايح تحج ولا تعمل عمرة واركب عبارة ( بس بشرط تكون عبارة السلام 500 بتاعة ممدوح اسماعيل )

8:- اقعد امام التليفزيون واتفرج على تصريحات الوزرا والمسئولين وعلى برامج الاطفال والاعلانات ( بس الموضوع دة ممكن يطول معاك شوية لأنك هايجيلك شلل الاول قبل ما تجيلك نقطة )

9:- اعمل نفسك وطنى وروح بلغ عن مخالفة او سرقة او فساد ( بس بشرط يكون اللى هاتبلغ عنة مسنود من فوق )

10:- اعمل نفسك فييس واعزم مراتك وعيالك على عشوة فى مطعم مشهور وانت مفلس ( بس اوعى تنسى تسرب الولية والعيال قبل ما تيجى فاتورة الحساب )

واخيرا ان ما نفعش معاك حاجة من دول انصحك بقى وامرك لله ان تنضم الى جمعية الملاحيس برئاسة ابو مروان المصرى وعيش ملحوس وانسى الدنيا والفلوس ( بس بشرط القميص الاصفر علينا والطاسة اللى هاتلبسها على دماغك عليك انت )

(( لو زهقت من دنيتك أدخل هنا )) 18

جغرافى جديد

السلام عليكم ورحمة الله وبركاته
الاخ الكريم
ان اضافة كلمة منقول الى الموضوع المنقول تبرئ ذمة الناقل امام الله وتعطى لصاحب الحق حقه
{{ قال رسول الله صلى الله عليه وسلم - من غشنا فليس منا }}

ولكى ابرئ ذمتك امام الله اعتبر هذا الموضوع هديه منى لك

ابو مروان المصرى صاحب الموضوع الاصلى

المدير العام

موضوع جميل يا ابو حميد نحن ننتظر المزيد من ابداعادتك

» لو زهقت من الكليه والجغرافيا ادخل هنا ريح شويه
» الحب هو, أدخل واعرف
» بتسرح فى الصلاه ... أدخل
» أدخل مش هتندم "يا رب يعجبكم " .
» أفتح الباب ,, أدخل ... ثم أخرج