امتى هنتغير !!!!

جغرافى نشيط

اولا بقول لكل اعضاء المنتدى وكل اصدقائى وحبايبى وحشتونى جدا.

ثانيا بعتذر لكم عن ابتعادى عن المنتدى وده لظروف انقطاع النت عندى ولكنى اتابع المنتدى من فتره لاخرى.

ولما دخلت النهارده لقيت المواضيع ف البوابه الرئيسيه هى هى . اسف ف اللفظ تتسم بعدم المسئوليه والشعور بالفتره التى نمر بها جميعا .

التوبيكات اللى ف راييى ملهاش لزمه لازم تتغير ويكون فى مواضيع هادفه نناقش فيها اوضاع البلد وكل واحد يغير ف مكانه ولو بالكلمه لاننا مش هينفع نسكت بعد كده.

وبما اننا هنا ف المنتدى ده تحت اسم جامعه طنطا كليه الاداب قسم الجغرافيا, ليه مناقش ايجابيات وسلبيات قسمنا ونقول كمان الحلول واكيد ف الفتره دى هنلاقى التفاعل من الدكاتره وكمان الاستجابه.

ودى شويه مطالب فى راييى انها مبدأيه واللى مشاركنى فيها يا ريت يدخل ويدعم التوبيك ويقول رايه:

1 - الاحترام المتبادل بين الدكتور والطالب.

2- المطالبه بالدعم لقسمنا من اداره الكليه والجامعه بمد قسمنا بالاجهزه اللازمه للدراسه العمليه.

3- عمل سكاشن عمليه جديه بالنسبه لطلاب شعبه مساحه.

4- دعم الكتاب الجامعى عن طريق اسعار مناسبه وطباعه جيده وصدوره من اول الدراسه.

5- عمل اجتماع بين الطلاب والدكاتره كل فتره(شهر مثلا ) عن القسم نناقش فيه اوضاع القسم وما يطرأ عليه من جديد .

6-معرفه النتائج وارقام الجلوس و الجدول الدراسى والمواعيد واماكن المحاضرات وغيرها مما يهم الطالب عن طريق الانترنت.

7- نظرا لكون شعبه المساحه شعبه عمليه نطالب زياده التمارين العمليه وتقسم الطلاب لمجموعات صغيره للاستفاده القصوى.

8- التنسيق مع شركات سواء خاصه او حكوميه بعمل دورات للطلاب ( اوتوكاد وغيره ) باسعار رمزيه تناسب الطلاب , وتكون الشهادات معتمده بحيث يكون لها قيمه.

9- منع او تقليل المواد النظريه التى لن تنفع الطالب حينما يتقدم لوظيفه.

10- توليه رئيس القسم والكليه بالانتخاب.

اكيد ف حاجان تانيه مهمه بس ده اللى جه ف تفكيرى دلوقت

يا ريت اللى عنده اى مطلب يدخل ويكتبه ونتناقش فيه.

وقبل ما انهى كلامى ياريت اللى يقرأ التوبيك ياخد الكلام على محمل الجد وميستقلش دوره.

تحيا جمهوريه مصر العربيه

مشرف

اولا منور يامحمد والله
ثانيا لو انت كنت موجود على الياهو انبارح معايا انا واحمد سمير كنت هتعرف احنا ناويين على ايه بس صبرك بالله وهتشوف كل خير باذ ن الله
كلها خطوات ايجابيه مرتبه هتبدا من المنتدى باذن الله واولها انه باذن الله سيتم غلق جميع الاقسام الغير جغرافيه يوم الجمعه
الباقى بقى هتعرفه قريب اوى بس تابع معانا

والله المستعان

مراقب عام

مطـآلب كلهــآ مشــروعــة ولآ يختلـف آحــد

وآنــآ معــآك يـآ محمــد

وآن شـآء آلله التغيير قــآدم

مشرف

انا معاك يا ميدو

وزى ما قال شيتوس كلها مطالب مشروعة

وان شاء الله تتنفذ

ونبدا بالمنتدى

مشرف

ان شاء القادم افضل

مشرف

بس ممكن نعرف الطلبات ونتناقش مع بعض

جغرافي خبير

جغرافيا كلها معاك كلام كويس جــدا

مراقب عام

اصلى يا ميدو

دا اللى خايف بجد على المنتدى

وباذن الله بالشاباب الجامد اللى فيه هيبقا

احسن منتدى تعليمى

ودا هدف الاداره من اول ما اتعمل

اصلى يا لوز

جغرافى نشيط

تسلمولى يا شباب على التفاعل رغم ان عدد الاعضاء اللى دخل التوبيك قليل بس هما عندى بالدنيا كلها وبجد انا سعيد جدا اننا هنتكلم وهناقش كل حاجه بكل جرأه وديمقراطيه ولكن دون تخطى الحدود.

ان شاء الله نتقابل ف الكليه ف اقرب وقت ممكن ونقدم على خطوات عمليه عشان منبقاش بنكلم وخلاص.

وهنتفق على المطالب العامه ثم الفئويه ان شاء الله.

مشرف

بجد محمد توبيك فوق الرائع بجد وكلنا معاك واكيد بأذن الله المطالب كلها هتتنفذ والناس شويه شويه هيبقى عندما ادراك بالمواضيع الهادفه والمواضيع اللى مش ليها اى اساس من الصحه

جغرافى فعال

اكيد مش فى حاجة اهم من المطالب دى بس يااااريت ناخد الموضوع بجد وكل اللى بنقنلوا دة يتحقق
موضوع بجد يا شباب جااامد جدااا ميرسى كتيررر على تفكيركوا الجامد دة

جغرافى نشيط

now we can say : we can do it

مشرف

جزاك الله خيرا وأنا عندى الجرأة على الكلام

جغرافى نشيط

ان شاء الله بدعمكم ووعيكم كل مطالبنا هتتحق.

بس لازم يكون فيه خطوات عمليه فعليه بجد.

مفيش احسن من الكلام. يا ريت يكون فيه اجتماع لاعضاء المنتدى واى حد يحب يشارك ونجتمع على مطالب واحده ونتقدم بيها لرئيس القسم الدكتور محمد زكى وهو يرفها للعميد .

شباب كليه هندسه عملوا مظاهره احتجاجيه امام مبنى العميد وطلبوا منه ينزل يتكلم معاهم وبالفعل نزل واتكلم معاهم فى كل حاجه بكل حريه , وخيروا العميد بين تلبيه الطلبات او الاستقاله.

ووعدهم بتلبيه مطالبهم خلال اسبوع.

احنا مش اقل من كليه هندسه او اى كليه تانيه , مش معنى كلامى ان احنا نعمل مظاهرات ونهيص ف الهيصه .

بس لازم حد يسمعنا ويشوف احنا عايزين ايه ويكون فيه نتائج ملموسه واما الخيار الاخر.

مراقب عام

ميدو كان فيه ندوة يا ميدو والعميد والدكتور محمد ذكى حضرها

والمطالب اتقـدمــت

وكـآن فيه بعض المطالب متقدمتش

دخلت انا واتنين معايا من الفرقة التانية للعميــد

وقدمت المطـآلب

واحنــآ حــآليا فـىآ استنظـآر التنفيــذ

يعنى خطــوة التقـديم دىآ انتهت من بدرىآ

جغرافى فعال

انا عندى مطلب وهو ان تكون الجيد جدا من 75%زى كتير من الكليات الاخرى ويا ريت حد يجاوبنى

مراقب عام

اقتباس :: انا عندى مطلب وهو ان تكون الجيد جدا من 75%زى كتير من الكليات الاخرى ويا ريت حد يجاوبنى

المطلب دة اتقال بالفعل فى الندوة اللى حضرهـآ العميــد

وكــآن الرد آن دة هيحصل ولكــن مــع تعديل اللايحــة واعتمادهــآ

جغرافى نشيط

كانت امتى الندوه دى ؟

ومحدش نوه علينا هنا ف المنتدى بيها ليه؟

ويا ريت يا شيتوس تكتب المطالب اللى انتوا طالبتوا بيها وايه اللى اتنفذ منها.

مراقب عام

المطالب والندوة اتقال عليها فى المنتدى يا ميدوآ انتا اللى مكنتش بتدخل ومش متابع

التوبيك فى الملتقى

ابرآهيم حمودة كان منزله

ادخل ملتقى طلاب قسم الجغرافيا هتلاقى المطالب

والندوة كانت التلات اللى فات

جغرافى نشيط

انا مبدخلش المنتدى باستمرار عشان ظروف , ان النت قاطع عندى

بس بدخل من فتره للتانيه عشان اشوف الدنيا فيها ايه.

شكرا على كل جهد بيقدمه اى عضو عشان المنتدى.

متقدمين دايما ان شاء الله بارادتنا وعزيمتنا.

جغرافى فعال

شكرا على الرد وارجوا ايضا طلب وهو انهم يكرموا اوائل الطلبه فى كل فرقه علشان على الاقل يكون دفعه ليهم وشكرا

جغرافى نشيط

اكيد اى حد عنده مطلب يدخل ويضيفه وان شاء الله هنجمع المطالب دى باسم المنتدى ونرفعها لرئيس الجامعه.

» يا ترى العرب هيتحركوا امتى
» يا جماعة النتيجة هتظهر امتى ؟؟؟؟
» ♫ لية يا شباب بقينا كدا هنفضل اوف لاين لحد امتى ♫
» عارف امتى هتصعب عليك نفسك!
» شووووووووووف اخر مره قعدت مع نفسك كانت امتى