احصائيات عن الأهداف التي أحرزها ميسي مع البرسا

مشرف

تذكير بمساهمة فاتح الموضوع :

رصدت صحيفة "ماركا" الأسبانية إحصائية عن الموهبة الأرجنتينية ليونيل ميسي حيث تفوق علي كل منافسيه بإحراز 45 هدف في كل المسابقات التي لعبها هذا الموسم.

وأشارت الصحيفة إلي أنه أحرز 27 هدف في 23 مباراة لعبها في الدوري الأسباني وثمانية أهداف في دوري أبطال أوروبا وسبعة أهداف من أصل ستة مباريات في كأس أسبانيا وثلاثة أهداف في مباريتي كأس السوبر الأسباني.

وتفوق ميسي أيضاً في عدد صناعة الأهداف حيث صنع 15 هدف في الدوري الأسباني وإثنان في دوري أبطال أوروبا، وبعد الهدفين الذي أحرزهما أمس أمام الأرسنال في دوري الأبطال أصبح ميسي أكثر اللاعبين إحرازاً للأهداف علي مدار تاريخ برشلونة في المسابقات الأوروبية برصيد 33 هدف.

وبذلك تفوق علي ريفالدو الذي أحرز 31 ولويس لإنريك في جميع المسابقات الأوروبية.

ولكن لم يتفوق ميسي بعد علي أكثر اللاعبين تسجيلاً للأهداف علي مدار تاريخ برشلونة في كل المسابقات حيث يتفوق عليه سيزار رودريجز ب235 هدف ولاديسالو كبولا ب 196 هدف ويأتي ميس ثالثاً ب172 هدف.

ويواجه ميسي مواجهة من نوع خاص أمام البرتغالي رونالدو حيث أحرز 38 هدف في 40 مباراة ولكن يتفوق عليه ميسي حيث أحرز 45 هدف في 39 مباراة.

[ندعوك للتسجيل في المنتدى أو التعريف بنفسك لمعاينة هذه الصورة]

مشرف

دى الحقيقه وكل واحد كتالونى مش بيعترف غير بميسى وكل حاجه قدامه ميسى لكن مش بيرجعوا بالزمن ابدا يا ابنى كفايه رونالدوا كل الانديه بتجرى وراه وسعره وصل "200 مليون يورو" وبرده كاكا وكرستيانو الاصل مهما يحصل .

جغرافى نشيط

ما انا قولتلك ان ايه يعنى الفلوس..وبعدين مين قالك انى مش بعترف برونالدو او كاكا..لو مين قالك انى كاتالونى اصلى...لو تعرف ان انا اول ما عرفت الكورة دى كنت بعشق حاجه اسمها الريال..ايام ما كان فيها مثلى الاول..روبيرتو كارلوس..وزيدان ورونالدو وكافو وراؤول وباقى اللعيبة...مكنتش اعرف يعنى ايه البرسا...ولا يعنى ايه البطولات ولا الفلوس ولا ده بكام ولا ده بكام...كنت كل اللى اعرفه مين اللى بيلعب كورة..اللى خلانى انى اعترف بميسى انه هو احسن لاعب ..مش الكلام اللى بيتقال ان هو افضل لاعب وخلاص...لا اللى انا شايفه ان افضل لاعب هو اللى يساعد فريقه..مش اللى بينطلب فيه كام مليون وكام مليار..واللى يمتعنى وانا بتفرج على الكورة.....نفسى اشوف الريال ترجع زى الاول وتلعب كورة وما تدورشى على الفوز وتدور على الكورة..يا جماعة كفاية ان البرسا بتخلينى ببقى مش قادر اصدق ان فى كورة بالشكل ده......واللى عاوز اقوله ان لو ميسى راح الريال وان البرسا لسه بتلعب بنفس اللعب السطورى ده..هفضل اشجع البرسا.ول ان الريال هى اللى بتلعب زى البرسا هشجعها ولو مين اللى بيلعب فيها...ان شالله حتى اللى بيلعب فيها فتح الله...هشجعها برده

مشرف

هههههههههه وايه اللى دخل فتح الله فى الموضوع وانا هقولك حاجه برشلونه من غير "xavi and inista " ما تسواش حاجه حتى لو لو ميسى ده مردونا ولا بيليه وهقولك حاجه انا كنت بحب برشلونه والريال بس اتعقدت منها بسبب خير الله كل حاجه ميسى ميسى وهو ما لوش فى الكوره اصلا مش بيعترف غير بميسى .

جغرافى نشيط

ههههههههههههه...طيب ما هو مين قالك ان الريال من غير كرستيانو متبقاش الريال...وبعدين مع احترامى لخير الله ...هو يعرف ايه عن الكورة...الله اعلم بيه برده.لكن مش هيجى زينا يا منعم...وعاوز اقولك برده على حاجه تأكيد لكلامى...ايه اللى بيخلى الناس تقول على سعيود انه ميسى مصر..على الرغم من ان هو مش بيجيب اهداف كتير وناقصة الفنش الاخير قدام الجون...اللى بيخلى الناس تقول كده علشان بيعرف يمسك كورة فى نص الملعب وبيشغل بقيت فرقته...فاكر الجون بتاع اسامة لما حطهاله من بين اللعيبة على طريقة ميسى...الكورة كانت جايه لسعيود ومن غير ما يفكر من لمسة واحدة حطها واحدة ثرو كده من بتاعة اللعيبة الكبار ..بلاش ميسى على الرغم من ان هو احسن واحد يعمل الكلام ده فى العالم

مشرف

جغرافى نشيط

وبعدين يا منعم دا احنا فى مركب واحدة...وفتح الله ايه وخيرالله ايه..انتى نسيت الجون اللى حطناه فيهم ولا ايه؟...ومتقاوحشى معايا تانى فى الكورة احسن لك...وقوم ذاكر يلا جيومورفولوجى...امال مين اللى هيغششنى بكرة؟

مشرف

هههههههههههه

لا مش ناسى وعيب على دا انا اللى جبت الجون وبعدين مذاكرة جيومورفولوجى ايه يا معلم دا انت اللى هتغششنى انشاء الله مش انت اخدت جيو لوجيا ولا ايه ؟

» بالفيديو - راؤول يختار الأهداف السبعة "الأبرز" في تاريخه
» فيديو ـ ميسي يقود برشلونة للابتعاد بـ 10 نقاط عن ريال "مورينيو"
» فيديو وصور ـ بسحر"ميسي" .. برشلونة يدمّر مدافع أرسنال ويبلغ ربع النهائي
» فيديو - من مصاب بمرض يمنعه من النمو إلي معجزة القرن الحادي والعشرين .. إنه الساحر ميسي!
» فيديو ـ تشافي هيرنانديز يمنح برشلونة الفوز على الريال بتمريرتين ساحرتين لـ"ميسي وبيدرو"