صدقوني انا مش ميت..!!!]

جغرافى نشيط

السلام عليكم جميعاً

قمت من النوم فجأة في عيني نور غريب وقوي جدا أستغربت النور ده كله جي منين

واندهشت لما لقيت الساعه بتشاور على 3 صباحا وأن مصباح الغرفة مطفى طيب النور

ده كله جي منين وانفزعت لما لقيت نص ايدي جو الحيطه شديتها بسرعه

خرجت وانا ببصلها بكل اندهاش رجعتها تانى لقيتها دخلت جوه الحيطه استغربت

ايه اللى بيحصلي ده ؟؟

وسمعت صوت ضحك بصيت نحيته لقيت اخويا نايم جمبي ولقيته بيحلم

بيحلم انه راكب عربيه اخر موديل لناس اغنيه قوي وانه لابس اغلى واشيك لبس وكان

بيضحك وفرحان ابتسمت

(بس انا عرفت هو بيحلم بأيه ازاى!!!!!)

بعدين اتفزعت من اللى بيحصل وقمت من على السرير وجريت على اوضة امي وابي

قعدت اصحى فى امي واطبطب عليها واناديها بس هى مش بتستجيب قعدت اناديها كتير

واطبطب كتير ولقيتها فجأه

قامت كانت مخضوضه قوي وبتبص يمين وشمال لقيتها مش بترد ولا بتبصلي قعدت

انادى ماما ماما

كانت حاطة ايدها على قلبها وبتقول بسم الله الرحمن الرحيم

لقيتها بتطبطب على بابا وبتصحيه ولما قام قالت له قوم نطمن على الاولاد قالها ده وقته

قالتله معلش قلبي مش مطمن في حاجه غريبه وانا واقف مستغرب قعدت اقولها يا ماما

انا اهو يا ماما انتي مش شيفانى ياماما قامت ومشيت حاولت امسك هدومها لكن الهدوم

مش بتتمسك جريت وقفت قدمها عدت من جوايا ملقتش غير انى امشي وراها وبابا كان

وريا محاولتش ابصله عشان ما يتجاهلنيش برده ودخلت امى الاوضة وفتحت النور

انفزعت لما لقيتنى نايم على السرير وقعدت ابص لجسمى وايدى

وانا مستغرب انا ازاي بقيت اتنين !!!

انا مين ومين اللى نايم على السرير ده ؟؟

جملة بابا " استريحتى يا ستى اهم نايمين اهو "

انا عاوزه أطمن على محمد ولقيتها بتقرب مني قصدى من الشخص اللى نايم مكانى

وبتطبطب عليه كانت بتقوله يامحمد لكن هو مش بيرد وكانت بتطبطب بشويش وبدأت

تهزه جامد جريت عليها وقلتلها يا ماما انا اهو رودي عليا

لكن صوتها كان بيزيد خوف وكان بيعلى

كانت بتنادي محمد محمد

وفجأة صرخت ولقيت الصرخة بتوجعنى قوي كانها بتضربنى بكيت وقلتلها ما تصرخيش

وهى بتقول محمد وبابا جري علي وحط ايده على وشى وصرخ وبكى وحسيت بالوجع

تانى !!! محمد مش بيرد والبكاء بيزيد وانا مش عارف اعمل ايه

صحي اخويا على الصوت وهو بيسال في ايه ماما صرخت اخوك مات يا احمد مات وانا

بقولها ببكائي لأ والله ياماما انا أهوه شوفيني شوفينى انت مش سمعاني لكن ما فيش ا

بصيت للسما وقلت يارب ايه اللى بيحصل ده لكن ما لقتش سقف

وحسيت بطعنه غريبه وحجات بتقطعنى بصيت لأحمد لقيته بيصرخ قلتله اسكت انت

بتعذبني لكنه كان بيزيد فى الصراخ وماما بتبكي فى حضن بابا والنحيب بيزيد وقفت

قدمهم عاجز ومذهول رفعت راسي تانى وقلت

يارب ايه اللى بيحصل يارب فى ايه ؟؟

وسمعت صوت من كل حته كان جي من بعيد ركزت معاه لقيته بيعلا وبيزيد كأنه قرآن أيوا

قرآن والصوت بدأ يقوى يقوى قوي هزنى من شدته كان بيقول

" لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ فَبَصَرُكَ الْيَوْمَ حَدِيدٌ "

وفى ذهول الصوت لقيت ايدين بتطبق عليا اتنين شكلهم مش من البشر بيقوليلى تعالى

قلتهم انتم مين وعاوزين منى ايه شدونى صرخت سيبونى ما تخدونيش من اهلى

اهلى فكرونى مت قالولى ما انت مت فعلا قلتلهم ازاي ابتسموا وقالوا

عجيب امركم يا بشر كلكم فاكرين ان الموت نهايه الحياة وما تعرفوش ان حياتكم موت

وحلم طويل هتصحو منه على اليوم ده على العالم ده قالولي احنا حراسك لحد القبر

اتفزعت قبر ايه انتوا هتدخلونى القبر ردو كل انسان لازم يدخل القبر بس انا عمرى ما

دخلت القبر ده مكتوب على كل البشر طول عمرى كنت بكره الكلمه دي مبحبش اسمعها

بستعيذ بالله منها بحاول انسها مكنتش بقدر اتخيل نفسي فى المكان الصعب ده

سألتهم بخوفي هتسيبونى ؟؟

قالولي مع عملك .. طيب وعملى ده كويس ؟؟ سكتو !!

ولقيت واحد بيصرخ وبيبكي وواحد تانى سعيد قوي وكل واحد فيهم واقف معاه اتنين بردة

زى اللى معايا

سألتهم ده بيبكى ليه قالوا ده عارف مصيره طول عمرة كان من اهل الضلال

قلت يعنى رايح النار ؟؟

واللي بيضحك ده رايح الجنه ..!! طيب انا رايح على فين ؟؟

قولولي

ردوا عليا هما كانو عارفين هما ايه فى الدنيا ودلوقتى عارفين هما فين فى الاخره

وانت عشت طول عمرك تايه متردد شويه تمشي صح وشويه تمشي غلط

شويه تتوب وترجع تعصي تاني

ما كنتش واضح هتفضل بردة انهاردة تايه مش عارف حاجه !!!

اتفزعت

وقلت ايه يعنى ايه ؟؟ انا رايح النار ؟؟

قالولى رحمة ربنا واسعه ولسة الرحلة طويلة

بصيت وريا لقيت عمي وابويا واخويا ماشين وراهم امي واهلي بيبكوا شايلين صندوق

جريت عليهم ناديت محدش بيرد ناديت على امى قلتلها يا امى ما تبكيش ادعيلى

ناديت على بابا قلته يا بابا خلى بالك من امى واخويا

ناديت على احمد قلتله يا احمد خلى بالك من نفسك سيبك من الدنيا ومتاعها

دي رخيصة قوي صدقنى مش هتنفعك

ناديتهم كلهم بس كانو مشغولين بالبكاء ومحدش سامعنى مكنتش بتمنى حاجه فى اللحظة دي الا انهم يسمعونى

وشدنى الملكين ونزلونى القبر ونيمونى فوق الجسد

عشان اشوف ابويا وهو بيرمى التراب عليا بنفسه علشان اشوفهم وهما بيودعونى

وخوفى عليهم انهم مش حاسين باللى انا حاسه وحسدى ليهم انهم لسة فى الدنيا

بس للأسف كنت ببكى وهما بيبكوا كنت خايف عليهم من الدنيا قوى

واتمنى لو اصرخ ولو يسمعونى

وخرجو كلهم وقفلوا الباب والنور تحول سواد

(( اعمل للدنيا بقدر بقائك فيها واعمل للآخرة بقدر بقائك فيها واعمل لله بقدر حاجتك اليه واعمل من المعاصي بقدرما تطيق من العقوبة ولا تسأل الا من لا يحتاج الى أحد واذا أردت أن تعصيالله ..فاعصه..في مكان لا يراك فيه))

جغرافى نشيط

اقسم بالله ما شوفت موضوع فى المنتدى احسن من الموضوع دة علشان اول مرة احـس بالموقف دة يا جماااااااااااااااااااااااااااااااااااااعة الدنيااااااااااااااااا فانية فاعمل كما شئت فكمااا تدين تداااان والتاب من الذنب كمن لا زنب لة ادعوا الله يغفر لكم ذنوبكم وبجد هبتدى اناااا صفحة جديدة مع نفســـــــــــــــــــــــــــــــــــــــــــــــى

الامضـاء&الباشـاا تلميذ

جغرافى نشيط

والله العظيم الموضوع جميل جدا واسر فيه جدا لدرجة اني كنت خايفه وانا بقراه وعيط كمان
جزاكي الله كل خير
يارب اعتقنا من النار

جغرافى نشيط

lazema3ish كتب:: اقسم بالله ما شوفت موضوع فى المنتدى احسن من الموضوع دة علشان اول مرة احـس بالموقف دة يا جماااااااااااااااااااااااااااااااااااااعة الدنيااااااااااااااااا فانية فاعمل كما شئت فكمااا تدين تداااان والتاب من الذنب كمن لا زنب لة ادعوا الله يغفر لكم ذنوبكم وبجد هبتدى اناااا صفحة جديدة مع نفســـــــــــــــــــــــــــــــــــــــــــــــى

الامضـاء&الباشـاا تلميذ

شكرا ليك جدا
وبجد ربنا يقدرنا علي الثبات
ونورت الموضوع

جغرافى نشيط

maha كتب:: والله العظيم الموضوع جميل جدا واسر فيه جدا لدرجة اني كنت خايفه وانا بقراه وعيط كمان
جزاكي الله كل خير
يارب اعتقنا من النار

والله العظيم يا مها مش اكتر مني
انا بجد بكيت تخيلت نفسي في نفس الموقف
بجد حاجه صعبه اووووووووووي اوي
ربنا ثبتنا عالايمان
ونورتي يا جميل الموضوع

المدير العام

بجد الموضوع جميل جدا ومؤثر جدا
جزاكى الله خيرا وجعله الله فى ميزان حسناتك

جغرافى نشيط

بارك الله فيك

مشرف

ياة يا جماعة
الدنيا دى رخيصة اوى

لا اله الا الله

جغرافى نشيط

شكرا يا أحمد عالمشاركة
وشكرا ليك يا فوكس عالمشاركة
وشكرا ليك يا جيو عالمشاركة
نورتوا الصفحه
وربنا يحسن ختامنا والله
بجد الموقف ده صعب جدااا

مشرف

بجد تسلم ايد\ك

جغرافى نشيط

شكرا ليك يا غوست عالمشاركة
نورت

زائر

تسلم الايادى يا
mony

جزاك االله كل خير

جغرافى نشيط

بجد الموضوضوع جميل جداااا ونحن نعلم ان الدنيا فانية والاخرةباقية واللة العظيم موضوعك بجد احلي موضوع قراتة لانة جعلني اشعر بالخوف ليوم الحساب امام اللة عز وجل وتسلم ايدك وياريت نكثر من هذة المواضيع حتي نستعوب اهمية هذا اليوم الذي يودع فية ابن ادم الدنيا وينتقل الي عالم ثاني يحاسب فية عن عملة ومالة وصحتة والصلاة وياريت ياجماعة نصيحة بسيطة ياريت نقلل من سماع الاغاني لانها حرام ونكثر من سماع القران لانة سوف يكون شفيعا لك ولكي يوم القيامة ولان من نستمع لهم في الاغاني لن ينفعونا بل سيضرونا اكثر واكثر ولان كل شئ في جسمك سوف يتكلم ويقول عن ما فعلتة ويشهد عليك فاياريت نستعيذ باللة من الشيطان الرجيم ونبدأفي الالتزام بالصلاة وحفظ القران لانة سوف يكون شفيعا لصاحبة واسفة لاني طولت عليكم واوعدكم انة سوف يكون هناك جزء مخصص للكلام في هذة المواضيع الجميلة واشكرك مرة ثانية علي موضوعك الجميل هذا

جغرافى فعال

عدت لاهتدى فى الحياة فمشيت فى وسط الطريق لكى ارى الاحلام والامانى فى الدنيا فوجدت فى نهاية الطريق دربان
الاول به النور
والثانى به الظلام
فتحيرت ايهما اختار ؟؟؟؟؟؟؟؟؟؟؟؟؟؟؟؟؟
كيف تختار يا بن ادام كيف تختار ؟؟؟؟
هذا اسهل اختيار فى الدنيا

ولكن

هل يحتاج الامر للاستعداد ؟
هذا هو السؤال ؟

........................................................................................................................................................

جغرافى نشيط

اللهم قنا عزاب النار

مراقب عام

مش عارف اقولك اية على الموضوع الجامد دا

ربنا يضعة فى ميزان حسناتك

nice topic

جغرافي خبير

تسلم ايدك ياحبيبتى على الموضوع الاكثر من رائع
وربنا يثبتنا على دينه ويقينا شر الدنيا وغدرها ويعفينا
من الوقوع فى المعاصى وراتكاب الذنوب ويغفر لنا ويرحمنا
جميعا ويرزقنا الجنة نحن وامة رسوله الحبيب

جغرافي اصيل

بجد موضوع جميل جدااااااااااااااااااا
تسلم ايدك

رَبَّنَا اغْفِرْ لَنَا ذُنُوبَنَا وَإِسْرَافَنَا فِي أَمْرِنَا وَثَبِّتْ أَقْدَامَنَا وَانْصُرْنَا عَلَى الْقَوْمِ الْكَافِرِين

جغرافى نشيط

أحمد عيسى كتب:: تسلم الايادى يا
mony

جزاك االله كل خير

واياك إن شاء الله
شكرا يا بشمهندس احمد عالمشاركة
نورت الصفحة

جغرافى نشيط

noda كتب:: بجد الموضوضوع جميل جداااا ونحن نعلم ان الدنيا فانية والاخرةباقية واللة العظيم موضوعك بجد احلي موضوع قراتة لانة جعلني اشعر بالخوف ليوم الحساب امام اللة عز وجل وتسلم ايدك وياريت نكثر من هذة المواضيع حتي نستعوب اهمية هذا اليوم الذي يودع فية ابن ادم الدنيا وينتقل الي عالم ثاني يحاسب فية عن عملة ومالة وصحتة والصلاة وياريت ياجماعة نصيحة بسيطة ياريت نقلل من سماع الاغاني لانها حرام ونكثر من سماع القران لانة سوف يكون شفيعا لك ولكي يوم القيامة ولان من نستمع لهم في الاغاني لن ينفعونا بل سيضرونا اكثر واكثر ولان كل شئ في جسمك سوف يتكلم ويقول عن ما فعلتة ويشهد عليك فاياريت نستعيذ باللة من الشيطان الرجيم ونبدأفي الالتزام بالصلاة وحفظ القران لانة سوف يكون شفيعا لصاحبة واسفة لاني طولت عليكم واوعدكم انة سوف يكون هناك جزء مخصص للكلام في هذة المواضيع الجميلة واشكرك مرة ثانية علي موضوعك الجميل هذا

ربنا يخليكي يا جميل
شكرا ليكي علي المشاركة الجميله دي
وربنا يهدينا جميعا الي ما يحبه ويرضاه
نورتي يا قمر