كيف تنجح في المقابلة الشخصية؟

المدير العام

كيف تنجح في المقابلة الشخصية؟

مقدمة :

إذا كنت تبحث عن عمل.. كيف تستعد للمقابلة الشخصية؟
لا شك أن هذا الموقف يمر بكل واحد منا في سوق العمل. فهو
يمر به في بداية حياته وعندما ينتقل من عمل لآخر، والمقابلة الشخصية هي
التي تحسم نتيجة اللقاء، بالنجاح أو بالفشل.

قسم عاجبك ف الكليه ونفسك تدرس فيه ...

هنعملك انترفيو الاول ولو نجحت ف الانترفيو تدخل القسم ..ما نجحتش تتفضل تروح اى قسم تانى

رايح تاخد كورس عشان تقوى نفسك ف مجالك ....

هنعملك انترفيو الاول لو قبلت ممكن حضرتك تتفضل تدفع مصاريف الكورس ولو ما نجحتش ف الانترفيو فبنعتذر جداااااااا

رايح تقدم على شغل ف شركة مااااا ...

اتفضل حضرتك سيب cv..بتاعتك واحنا هنحدد معاد الانترفيو
ونبقا نكلمك لو قبلت ف الانترفيو تاخد الشغل ..ما قبلتش ..سورى ..مش هنبقل
حضرتك ف الشركة

يعنى الانترفيو او المقابله الشخصية ..بقت حاجة مهمة جدااااااااااا...

بعض النقط المهمة اللى لازم تبقا عارفاها لو انت/انتى عندك انترفيو
............ ......... ......... ........... ..............

قبل الانترفيو :

اولاااا : طبعااا حضر نفسك
كويس للانترفيو ..و اقرا عن المنظمة او الشركة دى وخد معلومات عنها
..انشأت امتا ؟؟...ومين اللى انشأوها ؟؟...ليها كام فرع ؟؟....فكرها ايه
؟؟وخلى بالك من فكر المنظمة واحترمه حتى لو مختلف معاه ....لو رايح وزارة
الاوقاف بيبقا ليها فكر ..غير لو رايح فندق ف شرم الشيخ اكيد هيبقا ليه فكر
مختلف
جمع كل المعلومات دى عن طريق انك تقرا كتب ...
او لو المؤسسه دى بتصدر جريدة او مجله جبها واقرا فيها
خش ع النت واقرا عن الشركة دى ولو ليها موقع رسمى زوره
المهم انك تجمع معلومات عن الشركة اللى انت رايحها باكبر قدر ممكن

ثانيا : حط فى دماغك حاجة ..طالما كلمونى عشان ااجى الانترفيو دا يبقا هما شايفين انو انا ممكن اخد الشغلانه دى والا
ماكانوش بعتولى

ثالثا : لازم تبقا عارف انو 70% من نجاحك فى الانترفيو دى مبنى على soft skills اللى هيا مهاراتك الشخصية
زى اصرارك انك هتنجح فى الانترفيو دى حتى اثناء تحضيرك ليها ..

رابعاااا : الراجل اللى
هيعملك الانترفيو مش ضدك لانو عايز حد يشتغل عنده ومكلفين نفسهم وعاملين
اعلان ف الجرايد مثلااا يبقا هما عايزين ناس للشغل كل الفكرة من الانترفيو
انو عنده شك انى قادر اخد الوظيفة دى ومحتاج يتاكد انى ادهاااا

خامسااا : الراجل اللى هيعملك الانترفيو ..بيقرر انك هتاخد
الشغلانه دى او لاء خلال 30 ثانيه من بدء الانترفيو..وبالتالى القرار مش
بيبقا مبنى على اساس عقلانى وانما عاطفى

من خلال انطباعه عنك وفى ابحاث بتقول انو قرار شغلك الراجل
بياخده من اول 4 ثوانى فى الانترفيو ودا بياكد انو القرار مش عقلانى وانما
من خلال الانطباع الاول..عشان كدا وانت رايح ابقا البس كويس ويكون اللبس
مريحك ..للولاد يبقا بدل سودا او كحلى او رصاصى

للبنات ..بلاش الوان الفرح والمايكب الكتير ...واللبس المبهرج ...والمكشوف ..

كل ما كان لبسك بسيط وشيك كل ما كان احسن

سادسا ..الاكسيسوريز للبنات او الولاد المفروض ما يزيدوش عن سبعة اكسيسوريز ..
مع العلم انو القلم اكسيسورى ..والنضارة بردو ..والبتاع
اللى بيتحط ف الكارفات بتاع البدل اكسيسورى ..والساعة كمان ..والدبله
..ودبابيس الطرحة او توك الشعر ..كل دا اكسيسورى ..البس الاكسيسورى اللى
انت عايزها بس المهم لما تعدهم ما يبقوش اكتر من سبعه

سابعا : نام كويس يوم الانترفيو ..
يبقا من 6 الى 8 ساعات نوم بالليل

ثامنا : تعمل حسابك تبقا
تروح بدرى شويه يوم الانترفيو...و ابقا اسال هناك عن اسم الراجل اللى
هيعملك الانترفيو ...لانو احلى حاجة هيحب يسمعها منك اثناء الانترفيو هوا
اسمه ..فاعرف اسمه عشان اثناء الانترفيو تبقا تناديه بيه

كمان ابقا خد معاك نوته صغيره خالص وقلم طبعاا ..عشان لو عوزت تكتب اى حاجة

--------------------------------------

اثناء الانترفيو :
:
:
:
:
اولاااا ..الق التحيه وانت داخل مع ابتسامة على وجهك

لو الراجل مد ايده بالسلام مدا انت كمان ايدك ...وما تبدأش انت بالسلام بالايد
لانو ممكن حد يحرجك وهيكون قاصد من كدا انو يوترك ويبقا عايز يعرف رد فعلك ايه لما احرجك
فانت من الاول ما تديلوش الفرصه ..واوعى تسلم بالايد الا لو هوا مد ايده
موضوع السلام
بالنسبه للبنات ..فحسب البنت لو بتسلم بالايد او لاء
لو الراجل قام وقف عشان سلم عليك ..سلم عليه انت كمان واوعى تعد قبل ما يعد هوا

راعى وانت بتسلم عليه ايدك ما تبقاش تحت ايده ..ولا فوق ايده ..وانما الاتنين قصاد بعض

ثانياااا ..وانت بتتكلم تتكلم بكل ثقه ...واوعى تنسى تناديه باسمه
ما تعدش متوتر وخايف ...خليك واثق انك تستحق تاخد الشغل دااا لانك تعبت اثناء تحضيرك للانترفيو دى

ثالثا ..حافظ على eye contact او الاتصال بالعين .وانت بتتكلم للراجل بصله .وما تبص ف السقف او ف الابجورة او الصور اللى على مكتبه..
لما بتنبصله بتحسسه باهتمامك بيه ولو هما اكتر من حد اللى
بيعملولك الانترفيو ...ابقى بص للراجل اللى بيسال وف نفس الوقت ابقى بصل
للتنين وانت بتتكلم واوعى تركز مع واحد بس لانو قرار قبولك ف الشغل متوقف
عليهم كلهم مش على الشخص اللى بيسالك بس

رابعاا اتستعمل ال body ********.اللى هيا حركات جسمك

بس خد بالك منها كويس ..بس يعنى بلاش تزد منها مثلا وتحرك ايدك كتير او تحط ايدك ف جيبك لانو دا بيدى انطباع مش كويس

خامساا ..احسن حد ممكن تكونه هوا نفسك ..ما تدعيش حاجات مش فيك ..وما تقولش حاجات ما حصلتش ...عشان ربنا يوفقك ..بلاش نبتديها بكذب

سادسا ..ودى نقطة مهمة جدااااااا ..طول وانت بتتكلم مع الراجل دا ...ركز على حاجتين .اولا توصله الحماس من خلال كلامك ..

ازاى ؟؟ ..
بانك تتكلم بطبقه صوت واضحة تعلى صوتك فى كلمات وتقلله ف كلمات
تعمل استرس على الكلمات اللى شايف انها مهمة ولازم يسمعها كويس....
كل ما وصلتله حمااااااس اكتر كل ما كانت فرصتك اكبر

ثانيا ..اى سؤال الراجل يسالهولك ..رد بـ star

يعنى ايه Star؟؟

s=situation

t=task

a=action

r=result

بمعنى انو كل ما هوا يسالك اى سؤال ..تقوم تحكيله موقف مريت
بيه وكان مطلوب منك مهمة معينه وانت عملت حاجة جاااااامدة جدااا وكانت
النتيجة انو الامور اتحسنت جدااا
كل سؤال تتساله جاوب بستار

سابعا ..الانترفيو مش مكان للتواضع ..لاء ..دا مكان لازم تبين نفسك فيه انك احسن حد ف الدنيا يستاهل الوظيفة دى
وافتكر جمله مهمة جدا ..مش احسن حد اتقدم للوظيفه بياخدها ..وانما اللى بيعرف يبين نفسه انو كويس اثناء الانترفيو هوا اللى بياخدها

ثامنا ..وجه المناقشه
معاهم بنفسك ...ولما يبقا فى فرصه اتكلم ف الموضوع اللى انت قارى فيه
ومحضره ..والجزئيه دى عشان يحسو انك عندك عنصر المبادرة..وانك مطلع وعندك
ثقافة

تاسعا ...كل ما يسالك سؤال ..خد ثانيتين تفكير ف الاجابه وبعدين جاوب بكل حماس وانت بتعمل ستار
وما تجاوبش بعد ما يسال على طول ..لازم تاخد ثانيتين وبعدها ترد
عشان ما ياخدش انطباع عنك انك متسرع وبالتالى ممكن تغلط كتير
وعشان هوا ممكن يسالك بعد كدا سؤال اجابته تكون صعبه عليك ...وتضطر غصب عنك تاخد فرصه تفكر فشكلك هيبقا وحش

فانت من باب اولى ..اى سؤال خد ثانيتين تفكير الاول وبعدها ابدا بالاجابه بحماس وبستارز
وحاول ف الاستار يبقا فى ارقام

بمعنى السنه اللى فاتت كان مطلوب مننا نحضر حفله للفنان الفلانى ف الكليه ...وقبل الحفله ب4 ساعات بس قالولنا
واحنا ف ظرف ساعتين خلصنا كل التجهيزات فعملنا كذا وكذا وكذا وكانت النتيجة انو الفنان حضر والحفله مرت باحسن حاله ممكنه

فى حاله الراجل سالنى سؤال انا مش عارفه ..بتجاوب بكل لباقه
انك للاسف مش عارف الاجابه واكتب السؤال ف النوت اللى معاك وف اخر
الانترفيو اسال الراجل عن اجابه السؤال دا

عاشراا ..اثناء الانترفيو
ممكن تتعرض لاسئله عجيبه وغريبه ..ممكن يديلك ورقه ويقولك ارسملى
الذكاء...مهما كانت الاسئلة مش تقليدية رد بكل ثقه وما تتلخبطش

ف الكلام لانو ف الغالب مش بيبقا عايز يعرف اجابه للسؤال
وانما بيبقا عايز يعرف تصرفك هيبقا ازاى لما يسالك السؤال اللى مش تقليدى
دا

رقم 11 ...اوعى تسال عن المرتب ...خااااااالص

ولو الراجل هوا اللى جاب سيرة المرتب والفلوس ......واوعى
تقول كنت بتقبض كام ف الشغل اللى كنت بتشتغله قبل كدا ودا لسببين الاول انو
ممكن صاحب الشغل يبقا عايز يعينك بمرتب كبير ولما يلاقيك كنت بتاخد اقل
ممكن يقلل المرتب
والسبب الثانى انو صاحب الشغل ممكن تبقا قدراته الماديه
هتعينك بمرتب اقل من اللى كنت بتاخده]فمايقبلكش ف الانترفيو عشان انت بتاخد
مرتب اعلى فى حين انو انت ممكن يبقا عندك استعداد تقبل الشغلانه بمرتب اقل
من اللى كنت بتقبضه قبل كداااا

اااخر حاجة ....وانت ماشى من الانترفيو ما تنساش بابتسامة لطيفه تسال الراجل اللى عملك الانترفيو
ممكن اعرف نتيجة الانترفيو منين او ازاى ؟؟
ودا عشان يعرف انك مهتم..

قبل المقابلة:
- عندما يصل المتقدم إلى الشركة التي سوف تجري له المقابلة يجب أن مراعاة النقاط التالية:
- تأكد من معرفة موعد ومكان المقابلة.
- أن يصل مبكراً ويلقي التحية بحرارة على موظف الاستقبال.
- اذا كنت ستتأخر اتصل بالشخص المسؤول عن المقابلة
- تأكد من حسن مظهرك
- قم مسبقا بإعداد أية أسئلة قد تحتاج إلى توجيهها إلى صاحب
العمل � مثل الاحتمالات المستقبلية للترقي او التدريب او مواعيد العمل
وغيرها.
- تـأكد من الإلمام بمعلومات الشركة / المؤسسة وحاول جمع بعض المعلومات.
- حاول جمع اكبر قدر من المعلومات عن الشركة.
- إحضار نسخه من السيرة الذاتية والشهادات + صوره منها + صورة شخصية.
أثناء المقابلة

- تحلى بالأدب واحرص على المعاملة الودية. تصرف بحكمة لتعطي انطباعا جيدا عن سلوكك
- حاول النظر إلى المسؤول الذي يجري المقابلة معك بدلا من النظر في إنحاء الغرفة وكأنك لا تنصت إلى ما يقوله.
- إذا كنت قد عملت في وظيفة مماثلة من قبل عليك ان تخبره بذلك واذا كانت هذه أول مرة فعليك أن تبدي له رغبتك في تجربتها.
- اظهر له رغبتك في الوظيفة واساله عن مهامها وشروطها والمستقبل المهني للعمل فيها.
- لاتنتقد تصرفات أصحاب العمل السابقين.
- امتنع عنالتدخين.
تفسير المواقف السلبية

على المتقدم أن يشرح أسباب ترك العمل بأسلوب مقنع وبسيط
متمثلاً النزاهة والمصداقية، كما يجب على المتقدم أن يتجنب ردود الأفعال
السلبية كالقلق أو الغضب أو السخرية للمواقف التي يراها على أنها مواقف
سلبية.
التفاوض على الراتب

يفضل أن يكون النقاش على الراتب آخر المقابلة حتى لا يُؤخذ
عن المتقدم انطباع غير ملائم. يجب على المتقدم أن تكون لديه خبرة عن سلم
الرواتب للشركة المعنية، وأن يكون معقولاً في وضع أو طلب الراتب المناسب
دون إفراط أو تفريط.
وكما هو الحال في المميزات الأخرى يفضل تأخير مناقشتها إلى
آخر المقابلة؛ لأن طرح المتقدم لها في بداية حديثه يُفهم منه اهتمامه
بالمميزات أكثر من الوظيفة نفسها.
بعد انتهاء المقابلة

- اشكر صاحب العمل على الوقت الذي خصصه لمقابلتك.
- احرص على معرفة ما سيحدث فيما بعد - هل سيرد عليك هو ام يجب عليك الاتصال به؟
لا تخشى ان توجه اسئلة أثناء المقابلة أيضا، فالمسئولين
الذين يجرون المقابلة يفضلون الأشخاص الذين يوجهون اسئلة وجيهة تظهر رغبتهم
في العمل.
في العادة سينتظر المسؤول الى نهاية المقابلة قبل ان يسألك
اذا كانت لديك اية اسئلة واذا لم يفعل ذلك في نهاية المقابلة فمن الممكن ان
توجه اليه أسئلتك مثل :

1- كم يبلغ عدد موظفي الشركة ؟ 2- ما هي انشطة الشركة الرئيسية ؟ 3- اين ساعمل ؟
4- ما هي المهام الرئيسية التي سأكلف بها ؟ 5- من هو رئيسي في العمل ؟ 6-
اين يقع المقر الرئيسي للشركة ؟ 7- ما هي مواعيد العمل / ايام العمل ؟ 8-
هل سأتلقي اي تدريب ؟ 9- اذا نجحت في اداء مهام وظيفتي فهل سيكون لي مستقبل
جيد في الشركة ؟
السلوك المناسب اثناء المقابلة الشخصية

عند التحدث الى الناس وجها لوجه، مثال ذلك اثناء المقابلة الشخصية، هناك عدد من السلوكيات التي تعطي انطباعا جيدا عنك، واهمها هي :
1- تعبيرات العيـــون

العينان هما مراة العقل. ومنها يستدل على الصدق والامانة
والثقة. لذلك فأن عدم التقاء العينين اثناء المقابلة يدل على عدم الاكتراث
والشعور بالملل.
2- تعبيرات الوجــه

يعتبر الوجه مراة صادقة تعكس شخصية الفرد ومشاعره. تذكر ان ابتسامة واحد يمكن ان تحقق المعجزات.
3- طريقة الجلوس

ان طريقة الجلوس والوقوف واستعمال الايدي تعطي انطباعات
كثيرة للاشخاص الآخرين. لذلك اهتم بطريقة وقوفك وجلوسك اثناء المقابلة
الشخصية واجلس دائما في وضع راسي وتجنب انحناء الظهر
4- آداب عامة

حاول عدم تشتيت انتباه المسؤول الذي يجري المقابلة بتصرفات
غريبة مثل حك الجلد او تنظيف النظارة او تصفيف الشعر وغيرها من هذه
التصرفات
5- المصافحة بالايدي

تذكر ان المصافحة بثبات تدل على الصدق والامانة، اما المصافحة بغير اكتراث فتعكس ضعف الشخصية وعدم المبالاة.

» كيــف تجتاز المقابلة الشخصية!!
» بطاقتى الشخصية
» قوة الشخصية من اين تأتي ؟؟؟ ؟؟؟
» الشخصية......والتفكير الابداعى
» هل الشخص الطيب ضعيف الشخصية ؟؟؟