(تعالو اضحكوا شويه على الشباب هههههههههههههه)

جغرافى نشيط

تعالوا نشوف تطور حياة الحلويين اللى شايفين نفسهم واللى فرحانيين بشبابهم (الشباب)

تعالوا نفضحهم يا بنات و نوريهم نفسهم قصاد المرايه بيبقى شكلهم(من جوة طبعاً) عامل ازاى ..

بصوا يا بنات :
التطـــــــــور الطبيــــــــــــعى للرجل

بحبك
بعد 6 اسابيع : بحبك بحبك بحبك ... بحبك
بعد 6 شهور : اكيد بحبك
بعد 6 سنين : ياساااااااتر ! يعنى لو مش بحبك كنت هاتجوزك ليه ؟؟؟

بعد الشغل
بعد 6 اسابيع : (بكل رقه)حبيبتي انا جيت من الشغل
بعد 6 شهور : انا رجعت :
بعد 6 سنين : فين الاكل ياوليه ؟؟

جرس التليفون
بعد 6 اسابيع : حبيبتي فى حد عايزك على التليفون
بعد 6 شهور : التليفون دة ليكى
بعد 6 سنين : ماتردى ! ولا جالك طرش ومابقتيش تسمعى ؟؟

وقت الغدا
بعد 6 اسابيع : ماكنتش اعرف ان نفسك حلو اوى كدة
بعد 6 شهور : عاملة ايه النهاردة
بعد 6 سنين : بامية تانى .اطفحيها انتى وامك .

لما تشترى فستان جديد
بعد 6 اسابيع : مبروك ياحبيبتي , هياكل منك حتة
بعد 6 شهور : انتى جبتى فستان جديد تانى ؟

بعد 6 سنين : كتك داهيه فى زوقك , وبكام على كدة بقى ؟

لما يتفرجوا على فيلم
بعد 6 اسابيع : تحبي نشوف فيلم ايه ؟
بعد 6 شهور : ماتقلبيش المحطة انا عايز الفيلم دة
بعد 6 سنين : انا رايح السينما , اتخمدى انتى بقى
لما يروحو السوبر ماركت
بعد 6 اسابيع : تحبي تروحى انهى سوبر ماركت يا حياتى
بعد 6 شهور : وماله عم انور البقال ؟
بعد 6 سنين : انتى بتودى الاكل فين !؟؟

لما ييجى عيد ميلادها
بعد 6 اسابيع : معلش كان نفسي اجيبهولك الماظ
بعد 6 شهور : خدى 20 جنيه وهاتى اللى انتى عايزاه
بعد 6 سنين : مش عيد ميلادك كان السنة اللى فاتت هوكل سنة ولا ايه !؟

فى العيد
بعد 6 اسابيع : حبيبتي الكحك والبسكوت برة على السفرة
بعد 6 شهور : مش واجب بقي مامتك تجيب لنا الكحك

بعد 6 سنين : يا وليه هتبقى زى البرميل من كتر لغ الكحك

يا مظلومين يا احنا يانى .
عشان تعرفوا اد ايه احنا مظلومين معاهم ...
مستنيه رأيكم يا بنات فى اللى قلته ..
اما الاولاد فتانى بقول ماحدش طبعا عنده اعتراض ..

ياجماعه انا بهزر اوعى حد يزعل

جغرافي اصيل

ايه الكلام اللى زى العسل دا والله عندك حق على طول ظالمين البنات مش عارفه ليه

زائر

عشان كدة لازم تكون فترة الخطوبة اكبر ما يمكن

جغرافى نشيط

الجنس اللطيف

ما يقال من ان المراه حنه وارفه وروضه ظليله وراحه وسعاده ونعمه الهيه... صحيح...

وما يقال من انها جحيم ..وعذاب مقيم ..وتعب فى تعب..وغلب ازلى صحيح ايضا

ولن تعرف المراه الا اذا جربتها على وجهيها ... وذقتها حلوة ومره.. وعشت معها قاضيا تحكم عليها ومتهما تحكم عليك..وسجانها وسجينها فى نفس الوقت ومهما يقال عن الحب بين الرجل والمراه فالحب قطعا العاطفه الوحيده التى تربط بين الجنسين.. فهناك ايضا الحرب الدائمه بين الجنسين والتناحر على السياده

والنتيجه ان تتحول العلاقه بين الاثنين الى علاقه معقده

لا نجد ذلك الحب البسيط الواضح.. وانما نجد دائما عاطفه متوتره متناقضه غامضه.. فيها الحب وفيها العدء

ويصبح كل جنس بالنسبه للاخر ملاكا وشيطانا فى نفس الوقت..بلسما رحيما ...وجلادا قاسيا ولا احد يدعى على الاخر دعوى ليست فيه وانما هى الحيقه...

وانت ان لم تشعر برغبه فى ان تشتم المراه وتشكوها لطوب الارض ...فانت لم تفهم المراه.. ولا فهمت نفسك.

لابد من سيل من القبلات والصفعات....ليشعر كل واحد منهم انه قال ما عنده....

لابد من موشح من الردح الاصلى يضاف الى قلائد من الشعر والمديح حتى تتوازن الكفه... ويشيل الكلام بعضه على راى البقالين....

اسمحن لى يا ستات...ان اشتمكن ولو مره واحده... بعد كل ما قدمته من دواوين الشعر والحب والاخلاص حتى انام مطمئننا بانى قد صفيت حسابى..

* المراه تتحدث دائماعن اخلاصها للرجل الذى هجرها لتهتف باكيه ... الرجال كلاب ..خونه...غدارون.. وتنسى ان تتحدث عن الرجال الذين اخلصوا لها وغدرت بهم... لانها فى الغالب لم تلحظهم...

*كل احاديث المراهفى فتره الخطوبه عن غرامها بالثقافه والفلسفه والفكر هى اكاذيب تكشفها حقائق اول اسبوع بعد الدخله ..حينما تبدا الاحاديث التى تدور حول الفساتين والموضه وتسريحات الشعر.

كلخن فى هذا السواء ..من حاملات الدكتوراه الى حاملات الاعداديه ..الى حاملات الطشوت...

لا تصدق ان غيه المراه حب وشكها غرام.. وانما غيرتها دائما عذر تنتحله لتمتلك وتحجر عليك وتستولى على حريتك...

انها الانانيه بعينها...

والغريبه انها بعد ان تستولى عليك وتطمئن الى خضوعك.. تلقى بك فى اول مزبله ...وتبحث عن غيرك...

* ابغض شىء الى قلب المراه خلفه البنات..لانها لا تحب جنسها

* الحماه اول جهاز مخابرات فى العالم

*المراه تتمسك بشده بصحبه النساء الاقبح منها

* متاسف لهذه الحمله الشعواء على المراه.. انها حمله موسميه كا الخماسين ... وحانعمل ايه..فى الجنس الحلو الذى نموت فيه ونموت منه..............

جغرافى نشيط

معلشى يامها ماهوة زى مافية فى الشباب بيتغير فية فى البنات يعنى بيكونوا لبسين اقنعة فى الاول وبعدين كلة بيظهر على حقيقتة لكن المهم اننا نحاول بالتغيير لو دة موجود جوانا

جغرافى فعال

اللي يشوف الكلام دهيقول اني مفيش ستات نكد وهم اللي بيعملوا في نفسهم كده

جغرافى نشيط

لا واللة ياصديقى الحكيم لكن بجد الرجالة بردة عليهم حاجات غريبة مش الست الى كل حاجة عليها حرام بردة ولا اية

جغرافى فعال

ببساطة العيب بيبقي موجود في الجنسين ولابد ان ده يحصل علشان مفيش تغيير لو كل فتره كدا في تغير ملموس بيحصل مش هنشوف الكلام ده خالص بين اي زوجين

وده رائ الشخصي Embarassed

المدير العام

انا من رأيي يكون جلسة يستعيدوا فيها سلوكياتهم ويتناقشوا حول السلوكيات والسلبيات التى تظهر فيها ومحاولة تعديلها ذلك ان كانوا فعلا بيحبوا بعض

» اظن زهقنا من الامتحاناتعاوزين نفرح او نضحك شويه بقى ما تيجى نضحك شويه او شويتين او ربما 3
» أم عريس .... بس مكاوية .... و النعم - هههههههههههههه
» تعاااااااااااااااالوا نضحك شويه
» تعالو نغير التوقيع
» تعالو شوفوا المشرفين وهما بيخطبوا0000000000000000