اهداء الى البنت اللى عايزه تتخطب

جغرافي اصيل

أختي العزيزة لو ربنا فك عقدتك واتخطبتي
فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه
إلى مثوااااه الأخير في قفص النسانيس
قصدي قفص الزوجية السعيد

أجمل ما في الخطوبة العزومات الرومانسية على أحلى محلات أكل فى البلد
واللي عمرك ماهاتشويفها بعد الجواز
المهم نصائحي لك عند أي عزومة مع خطيبك

1-الأول لازم تعرفي إن الشوكة والسكينة بيتمسكوا من إيديهم
من الطرف يعني مش من الوسط ولا من البوز زي الخنجر ولا من فوق طبعًا

2العيش أوعي تفضحينا وتقطعيه بسنانك ولا الرغيف نصين بأيدك وكل نص لقمة وتحشري أوعي
العيش بيتقطع بالسكينة فى الطبق وبعدين تاخدي لقمة
لقمة بالعافية قال يعني نفسك مسدودة
اضغطي على أعصابك جدااا
وبعدين لما تروَّحي إبقي كلى زي مانتِ عايزه

3- الشوووربة
بند الشوربة ده مهم جدًاااا
أبوس كعب رجلك الشوربة تتشرب من غير صوت خالص ومن غير ماتقعدي تنفخي فيها زى القهوجى اللى بينفخ فى حجر للزبون
وطبعــاً عايزك تنسى تمامًاالسلطانية اللي بتقيميها على بقك ف البيت وتدلدقي على روحك
بالمعلقه وبدون صوت
سخنة ولعة برضه بدون صوت
وتسيبي تلت الطبق على الأقل مش تميليه عشان تلهطيها لآخر نقطة

4- الرز
طبعاً بيتاكل بالشوكة أوعي إيدك تتمد ع المعلقة وتغرفي من طبق الرز وتعبي
إوعي
الرز بالشوكة وكأنك بتبوسيه مش بتاكليه

5- المكرونة
الاسباكتي برضه بالشوكة تتلف على طرف الشوكة
لحد ما تخلص وبعدين تحطيها فى بؤك من سكات
مش تشفطي المكرونة عود عود

6- السمك
مشكلة
شوفي
بتفصلي اللحم عن الشوك ..إزاي؟؟
تقطعي اللحم من النص بالطول وبعدين تفردي اللحم ع الجانبين ولما تخلصي ناحية
متقلبيش السمكة.. بلاش فلح
شيلي السلسلة بالشوكة والسكينة وحطيها ف جنب الطبق وكملي أكل النص التاني
وبدل الفيلم الهندي ده
نصيحة ماتكليش السمك خالص
قولي مابحبش السمك وخلصي نفسك

7- الجمبري
-إذا كنتي عارفاه-
أول ماطبق الجمبري ينزل.. بصيله بقرف واحتقار شديدين
آل يعني زهقانة من كتر أكل الجمبري الجامبو ف بيت بابـا
وأتنهدي جامد وقولي.. برضه؟؟؟
وتروحي قاطعة راس الجمبريياية بالشوكة
أنا فى عرضك إنسي المصمصة دلوقتى

8- البطاطس سواء مسلوقة أو محمرة
أوعي تهرسيها وتدبيها على الرز وتدي
لا..لآ...لآ
بالشوكة حتة حتة وإنتى زي ما تكوني هاتعيطي من كتر ما البطاطس صعبانة عليكي

9-الفاكهة
لو الفاكهة فيها بذر.. طلعيه من بؤك بالراحة وحطيه فى إيدك وهي مقفولة
وبعدين فى طفاية السجاير اللي على الترابيزه
أوعي ياحبيبتي من نظام التفتفة للبذر
إنسي

10- ولما تخلصي أكل تحطي إيدك على بطنك
اللي عصافيرها بتصوصو من العينات اللي كلتيها.. وتقولي له مش ممكن
أنا عمري ما اتفجعت كدة
أنا أودامي أسبوعل هابطل أكل فيه

وبعدين تمسكي الفوطة اللي دايمًا موجودة على التربيزة من غير لازمة
وتبوسيها
آل يعني بتمسحي بؤك
وبعدين تستأذني منه لدخول التوليت لإصلاح ماكياجك

وتخشي التواليت وتطلعي من شنطة إيديك
لفة الفول والطعمية اللي جايباها معاكي
وبالهنا والشفـــا

ولمة تتجوزى ابقى كلى برحتك

المدير العام

هههههههههههههههههه
جميلة اوى الحكاية دى
وبعد الجواز بردة كل حاجة بتظهر على طبيعتها

جغرافى نشيط

بصراحه من اجمل المواضيع على المنتدى ميرسى ليكى على الموضوع المره اللى جايه عايزك تتكلمى على الشباب

جغرافى فعال

جامده طبعا هما هيروحوا من بعض فين بقي بعد الجواز

جغرافى فعال

طاب بعد الزواج ايه اللي بيحصل لمل يعرف هى بتاكل كدة
اكتبيلنا اللي بيحصل

جغرافى نشيط

المكرونة
الاسباكتي برضه بالشوكة تتلف على طرف الشوكة
لحد ما تخلص وبعدين تحطيها فى بؤك من سكات
مش تشفطي المكرونة عود عود

ههههههههههههههههههه

عسل يا ميرو والله
البنت مننا بقي لازم تتعود علي كده

ونبطل طفاسه شويه
تسلم ايدك يا جميل عالموضوع

جغرافي اصيل

شكرا على مروركم جميعا
وكل حاجه بتظهر على حقيقتها بعد الجواز
ومش البنات بـــــــــــــس كمان الشباب

جغرافى نشيط

ههههههههههههههههههه
موضوع جميل اوى ياميرو لكن اكتبى بقى عن الشباب بس اظن كدة انهما بردة زى مابيكلوا فى البيت ولا اية رايكم

المدير العام

رأيي من رأيك يا دودى

جغرافى فعال

ميرسى على الموضوع الجميل
وكل اللى انتى قولتيه صح
والشباب برضه

» ايه مواصفات البنت اللى بتتمناها ؟؟؟
» مهم جدأ اللى معاه اسئلة الدكتوره نعمه اللى قالتها ف المحاضره
» اية اللى بتحبوا فى العضو اللى قبلك
» اهداء
» اهداء للغالين