الانحباس الحرارى وغرق الدلتا

مراقب عام

تخيل اية اللى حيحصل بعد غرق الدلتا .
الحياة تبقى عاملة ازاى . انا عن نفسى قعدت افكر فى الموضوع دة . تخيلت ان
سطح البحر ارتفع متر ونص والمحلة الكبرى وطنطا وكفر الزيات ومدن كتير فى الدلتا غرقت . هنزل ازاى
اروح الكلية اللى هى اصلا هتكون غرقانة هى كمان . طيب مش مهم الكلية . ام
عبدة بتاع الخضار هتفتح ازاى وعم اسماعيل البقال . يعنى كدة كمان مش هنعرف
نجيب الاكل . اصلا مش هيبقى فى اكل عشان المحاصيل كلها هتغرق . كمان
الكهربا

هتتقطع
يعنى مفيش تلفزيون ولا انترنت ولا اضاءة . طيب الناس تعمل اية . انا وجدت
ان احنا نقدر نصلح من درجة حرارة الجو لو كل واحد عمل اللى علية وبما ان
ثانى اكسيد الكربون هو اللى عامل مشكلة الانحباس الحرارى . فمن الممكن
نقلل نسبة ثانى اكسيد الكربون فى الجو بطرق بسيطة على سبيل المثال :
1-
نزرع الأشجار الخشبية فى بيوتنا وفوق أسطح البيوت و قدام البيوت وفى
البلكونات والأشجار دى مش محتاجة رعاية خاصة وليها فائدة كبيرة جدا حيث
تقوم بحفظ التوازن بين الأكسجين وثاني أكسيد الكربون في الجو عن طريق
امتصاص غاز ثاني أكسيد الكربون من الجو من أجل إجراء عملية التمثيل الضوئي
و إنتاج الأكسجين كناتج لعملية التمثيل الضوئي. وكمان ممكن تزرع نباتات
عطرية فى البلكونة تعمل رائحة جميلة ومنظر حلو للبلكونة بدل ما تخزن فيها
بصل والكلام دة مش مكلف خالص شوية طين وممكن تجيب شتلات من اى مشتل قريب
2-
كمان نقلل من استعمال العربيات ونروح الشغل بالبسكلتة زى الصين واوربا .
المدير والموظفين هناك بيروحوا الشغل بالعجل بالرغم من ان عندهم عربيات .
ودة مفيد جدا للصحة وبيوفر حق البنزين كمان وبيقلل من انتاج ثانى اكسيد
الكربون . واستعمال العربيات يقتصر على السفر والمشاوير المهمة فقط مش
اللف عمال على بطال فى الشوارع
3- المدخنين يحاولوا يبطلوا ويلعبوا رياضة وياخدوا ادوية تساعدهم على الاقلاع عن التدخين
4- نحاول نربى الاطفال من صغرهم على النظافة وحب البيئة ونوجهم للسلوكيات الكويسة .
5- محدش يستهون بأى محاولة يعملها لأصلاح البيئة . ابدأ بنفسك الاول وبعدين شوف غيرك مش العكس
وبكدة نقدر نقلل حوالى ربع نسبة ثانى اكسيد الكربون فى الجو لو عملنا دة

جغرافى نشيط

هو كلامك حلو جدا بس صعب حد يعملة ممكن احنا كشباب نعملة بس قلة مننا كمان مش الاغلبية بس موضوع حلو بجدومشكور جدا ياشيتوس

مراقب عام

على فكرة الكلام مش صعب ولا حاجة

هوا فيه بالظبط
هوا احنا هنستنظر بقا لحد منغرق
وندور هنعمل ايه

هوا ليه احنا مش بنبص للدول المتقدمة اللى بتعمل المستحيل

انتوا بتحسسونى اننا هنعمل حاجة محدش عملها قبل كدة

لا لا لا
الكلام ساهل انه يتنفذ لو كل واحد عرف قيمة الاضرار اللى هتصيبوا
مش ننتظر لما نغرق ونفكر بعد كده هنعمل ايه ونقول يا ريت

جغرافى نشيط

ياريت الكل يعمل كدة وانا معاك فى اللى قولتة وكلامك صح جدا وياريت يتنفذ وناس تحس بخطورة المشكلة دى لكن للاسف بيحسوا بخطورة المشكلة لما بيقعوا فيها

مراقب عام

اتمنى والله

اللى انا شايفه ان مفيش اى اهتمام اعلانى ولا صحافى
عن الموضوع ده
دول اتكلموا مرة وحده فى الموضوع ده وسكتوا

وياريت كان على قناة معروفه

ده كان على القناة الخامسة
وكان من 3 سنين
وجم اتكلموا تانى فيه
بس بردوا محستش انهم وخدين الحذر

دول لسة بيفكروا هيعملوا ولا مش هيعملوا الجسر اللى قالوا عليه

نفسى كدة يشوفوا الدول المتقدمة بتعمل ايه ويعملوا زيها

ويرجعوا يزعلوا لما حد يقول علينا اننا دول نامية ودول الجيل الثالث
ودول متخلفة
مفعلا هيكون عندهم حق

لما يقولوا كدة

محنا اللى عملين فى نفسنا كدة اهوت
دايما مش بنبص قدامنا

نقعد لحد ما المصيبة تحصل وسعتها نقول
امر ربنا
قدر الله ما شاء فعل

مفكرين كدة الصح

اتمنى ان الكل يشارك برأيه فى الموضوع ده

ونورتى التوبيك يا اميرة
مشكورة لمرورك

جغرافى نشيط

كلامك جميل وتسلم ايدك وياريت كلنا نعمل كدة بس دة مش هيحصل الا اذا حدث شئ يضطر الناس الي فعل ذلك زي الموضوع بتاعك غرق الدلتا لوحدث هيدمر حاجات كتير الشباب بيتسلوا بيها ون هنا ممكن يعرفوا اهميه الحياة في اشياء افيد من الي احنا بنعملها دلوقتي

مراقب عام

مشكورة يا نودا على المرور

وجزاكى الله خيرا

نورتى التوبيك

جغرافي خبير

اللهم استرنا !! شكرا الافلده كلام مهم جدا

مراقب عام

مشكور على المرور

نورت الموضوع

المدير العام

اصلى يا شيتوس شكرا للافادة

مراقب عام

اقتباس :: +
----
-

اصلى يا شيتوس شكرا للافادة

الشكل لله يا محمد

اتمنى ان الموضوع الده
الكل ياخد حذر منه