( انا مصرى )!!!!!!!!!!

مراقب عام

انا مصرى

أنا مصري أبن مصري وليا الشرف

برغم المهانة برغــــــــــم القرف

برغم الزبالة اللي مالية الشــــــوارع

برغم الفســـــــاد اللي بيه أعترف

سمو معالي رئيس الوزارة

نتيجة موظف بسيـــــــط أنحرف

برغم المجاعة اللي داخلين عليهــــا

وفينا اللي عــــايش حياته في ترف

برغم البطــــــــالة في أوضة وصالة

برغم أن أخر جنيـــــــــــــه انصرف

برغم طـــــــــــابور الصباح السخيف

وكل منايا يادوب كــــــــــــــام رغيف

برغم أسايـــــــــا لمنظر عشايـــــــــــا

وأقول مش مهم يــــــــــا واد نام خفيف

برغم إنى شايف بــــــــــلاوى وساكت

وعايش مطنش كـــــــــــــــــأنى كفيف

برغم وزارة رئيسهـــــــــــــــا حرامي

وشوفوا البجاحـــــــــــــة يقولوا نظيف

برغم الســـــــــــلام اللى غرقت بناسها

برغم العيـــــــال اللى ساكنة الرصيف

برغم حكومة شعـــــــــــــارها الكلام

ورغم رئيسنــــــــــــــــا عليه السلام

ورغم أن كله يــــــــــــــا عالم بيغلى

إلا كرامتى بترخص قــــــــــــــــوام

برغــــــم إنى عايش في بلدى فريسة

ووجبة شهية لبعض اللئـــــــــــــــــام

برغم أن كـــــــــــــل تاريخك يا بلدى

فعهد جنابه كـــــــــــــلام فوق رخام

برغم ده كله يــــــــــــا مصر بحبك

وطظ فيهم ودا آخر كلام

احنااااااااااااا داخلين على اياااام
زى كلو الصوباااااااااااااااااع

عبوده اتخطف يا رجاله

جغرافى فعال

قولها بأعلى صوت و ارفع راسك لفوق
أنا مصرى و ابويا مصرى
بسمارى و لونى مصرى
و بخفة دمى مصرى
و كل مصرى الله عليه

مراقب عام

اكيد

ربنا يخلينا نظيف اللى

منطف الدوله

وقولوا

امين

جغرافى نشيط

ميت ألف فرصه عشان أسيب مصر
ولا عمري سبتها

علشان هى بلادي اللي بجد بحبها
بحبها بكدبها وصدقها

بحب فيها أصالة وندالة أهلها

بحب فيها السهر

بحب زيفها وأصلها

بحب فيها طلعه الشمس
تنور وشها

بحب فيها القمر طالع
يغازل حسنها

بحب فيها المشي علي شط
نيلها وبحرها

بحب فيها بناتها
راسمين ملامح شعبها

دي بنت مايصة وحاطة
وردة فـ شعرها

ودي بنت جد ونازلة
جري لشغلها

هتلاقي فين بلد
فيها الكنايس والجوامع
بتحضن بعضها

مسلم مسيحي إخوات
راضعين طيبة من صدرها
نبع الحنان ويناموا حاضنين
أرضها

هتلاقي فين تاني بلد
كل حاجه فيها
تخليك تحبها

هتقولي ظالمه هقولك
برضو بحبها

هتقولي ضالمه
مهو ده سواد شعرها

هتقولي زحمه هقولك
علشان بنعشق أرضها

هتقولي فيها فساد
هقولك ده من طيبه شعبها

جرب كده تسهر ولو وحدك
علي ضف نيلها وحبها

جرب تشوف بنت حلوه
مع شاب واقف جمبها
بيحبها شايل في قلبه
هموم الدنيا كلها
وبرضو بيحبها

جرب كده تاكل دره وترمس
علي شطها

وتشوف وشوش الناس
وإضحك زيها
طب وإنت ماشي لوحدك
ووقعت في مشكلة
مش بتلاقي ألف واحد
جمبك بيحلها

لا تعرفهم ولا يعرفوك
بس جمعكم حبها

اهي هي دي مصر
زاحمة ظالمة
فاسده ضالمة مش مهم

ده كفايه خفت دمها
هأفضل لمصر أقول وأعيد
أنا أصلي عاشق أرضها

وطبعا ده كله كلام في الهجايص
أنا لو تجيني نص فرصة هقول لها
بالسلامه يا مصر
ومش عايز أشوف وشها
وهي دي بقى ندالة أهلها

جغرافي خبير

تسلم ايدك ياعبوده
كلام جميل جدا
والى ميحبش مصر
يبقى انسان مبيفهمش
رغم كل الى احنا فيه
لكن صابرين عشان هيا
امنا وام الدنيا

مراقب عام

تسلم يا رفااااعى يا جااااااااااااااااامد

اصلى

تسلم ملك روحى على المرور

جغرافي اصيل

مصر هيا امى
عبوده فى دمى
اصلى يا اصلى

مراقب عام

بموت فى مصر

جغرافى نشيط

الله يخليك ياعبوده اصلى
والله يرحمك