حوار بين الناظر والدكتور /وبين اتنين سمعهم تقيل

جغرافي خبير

السندوتش اجبارى يا .......

بــــــــــــــ الله ــــــــــــســــــــــــ الرحمن ـــــــــ الرحيم ــــــــــم
المكان ... حوش المدرسه برضه
الناظر واقف وفي ايده المكرفون الصبح وعمال وبيتكلم
الناظر: يا ولاد النهارده مش فيه تمارين الصباح
طالب: ليه خير ؟؟
الناظر: خير وكل حاجه... مين فيكوا بيحب مصر ؟؟
الطلاب كلهم رفعوا ايديهم
الناظر : كويس ... كلنا عايزين نخلص قدرة الفول اللي في الكنتين دي
طالب: فول ايه يا عم هو ده فول.. ده قشر ثانيا القدرة دي بقالها شهرين في الكنتين
الناظر: وماله يابني الحاجه كل ماتقدم كل ماتزيد
تمنها .... عشان كده هانخلي ساندويتش الفول بجنيه والعيش عليكوا

طالب: علي اللي يشتري بقي ..
الناظر: لا يا حبيبي الساندويتشات اجباري ... عايزين نخلص القدرة دي بقي عشان نوديها للادارة تملاهالنا .... وعلي فكرة اللي هاياخد خمس سندويتشات هايدفع سبعه جنيه بس
طالب: وده تخفيض ايه ده ؟؟
الناظر : ان كان عاجبكوا ياض انت وهو
وينادي علي استاذ عكاشه ... ياستاذ عكاشه اقف ع البوابه واي طالب يخش احدفه ع الكنتين
طالب : ايه الافترا ده
الناظر: ده اللي عندي وعلي فكرة اللي قولوا لزمايلكوا الغايبين ان الساندويتشات هاتتبعتلهم بالبوسته
طالب: كمااااااااان ... علي كده هاتاكل معانا يا حضرة الناظر
الناظر بارتباك: ئئئـ كان بودي يابني بس انا صايم النهارده
الطالب: لا يا حضرة الناظر انا شايفك النهارده بتاكل من عند عم جمعه بتاع الطعمية
الناظر: لا ايبني اكيد مش انا
الطالب : لا انت بالامارة هزأك لما اديته ربع جنيه بايظ
الناظر: انا يابن ال ... طيب ايه رايك بقيانك هاتاكل غصب عنك .. وهاتشتري اربع ساندويتشات كمان
الطالب: لا يا عم انا هادفع الجنيه ومش عايز اكل
الناظر: هاشيلهولك لبكره
الطالب: هاغيب بكرة
الناظر: هاشيلهولك لحد ماتيجي
الطالب: مش جاي الا علي الامتحانات
الناظر: هاتلاقيه متدبسلك في ورقة الاجابه

حوار بين اثنين سمعهم ثقيل

الاول: الاتوبيس دة بيروح مصر الجديدة؟
التانى: على الحديدة!!لية انت طالب احسان
الاول: بذرة الكتان!!هى تلاقيها عند العطار
التانى: جزار!! اة ..قوللى كدة..عايز تشترى لحمة
الاول: معك حق الدنيا زحمة..عشان دة ميعاد خروج الوظفين
التانى: نور الدين!! لاوالله ...ما اعرفوش
الاول: مابتشربوش!! لية...كفا الله الشر
التانى: راس البر!!!...دة مصيف هادى
الاول: عايز تركب للمعادى...دى منطقة جميلة
التانى: بليلة!! انت شكلك كدة جعان
الاول: عيان!!اى والله..انت باين عليك عيان...طب متروح للدكتور
التانى: الحنطور!!دة احسن من الاتوبيس..وبيوصلنى لحد الباب
الاول: هباب!!! وانا اللى كنت فاكراك محترم
التانى: اتخرم!!! هو مين؟؟
الاول: عاوز اسبرين!! لية انت عندك صداع؟؟
التانى: قراع!!! يانهار اسود.. دة مرض خطير
الاول: لاء والله مش عايز.. وبعدين مش بحب الفطير..تقيل على المعدة وتمنه غالى
التانى: خالى... انت تعرف خالى؟؟ دة راجل كبير فى السن
الاول: الجن... نهارك مش فايت...انت عليك عفريت..?
التانى: لاوالله...ممعاييش... انت عايز كبريت لية...عايز تولع؟
الاول: ادلع!!ادلع عليك انت!؟ انت متملاش عنيا
التانى: يقبضوا عليا!! لية !؟
الاول: انت غريب يا راجل انت..شكلك شحات..روح اشتغل شغلة تاكل منها عيش
التانى: خيش!!! والله دة صوف انجليزى
الاول: بنتك زيزى!!! ربنا يخلى....
التانى: انتاج محلى..دة مستورد
ويمر شاويش من بتوعنا.... يلفت انتباة الحوار: بتعمل اية ياجدع منك له!!؟
الاتنين: ايوة ياشاويش.....احنا مستنين الاتوبيس
الشاويش: نهاركم مش فايت.....جواسيس!!!! قدامى على القسم

جغرافي اصيل

هههههههههههههههههههههههههه
عنجد انت تحفة
كتير كتير كتير حلو يسلمووووووووووووووووووو

جغرافي خبير

بجد احنا عايزين ننول الرضا بس

حاسين ان احنا مقصرين

منوره يا قمر يا رب يكون عجبك عن جد وجد

جغرافى نشيط

ههههههههه
حلوة قوى بالذات بتاع الفول

المدير العام

ههههههههه

هيا المعاملة بقت في النازل كدا لية يا سحس

جغرافي خبير

نورتوووووووووووووو

جغرافى فعال

هههههههههههههه
نايس توبيك

» حوار بينى وبين الشيطان
» حــوار بينى وبين قمـرى
» مشكلتة ان سمعها تقيل
» ْई‾־־−ـ…_‗ـ•ֺيوميات اتنين مبيحبوش بعض •ـ‗_…ـ−־־‾ई
» اتنين مخطوبين ومش طايقين بعض