شباب اليوم .........................................اخر حاجة.!!!!!!!!!!!!!!!!!!!!!!!!!!!!!!

زائر

السلام عليكم ورحمة الله وبركاته
موضوعي المره ده بيتكلم عن حاجات بشوفها
وبنشوفها اليومين دي ظاهرة بشكل ملحوظ
في الشباب والبنات وحبيت اعرض الموضوع
بصورة مرحه هادفه اتمنى انه يفيد الجميع
وطبعا مش كل الشباب والبنات فيهم كده
بس دول ظاهرة حبيت اتكلم عنهم

وهبتدي كلامي عن مظاهر سلوكيه عند بعض الشباب :
اكيد كلنا ملا حظ ان بعض الشباب بيقلد الغرب
في كل حاجه ويا ريت بياخذ الحاجات الكويسه
ويسيب الي مش كويسه لا يبقلد كل حاجه
حلوه مش حلوه المهم يقلد وخلاص
في اللبس والمظهر المشكله والله مش بتحلي الشاب
من وجهة نظري الا ؟؟؟؟
وده نموذج لبعض الشباب:

وفي نوع من الشباب مش بيقلد ولا حاجه
بس هوا بسبب الفراغ اللي في حياته
فكر يقضي معظم وقتوا بره البيت
بدون هدف قاعد في الشارع يلف
طول النهار والليل ولو سالته
ليه بتعمل كده يقلك مش لاقي شغل
وده نموذج لحركات بعض الشباب في الشارع:

وفي نوع من الشباب لا بيقلد ولا بيقضي معظم وقته
بره البيت هوا الحمد لله طول اليوم قاعد قدام قنوات الاغاني
و المغنيات ويعجب بجمالهم ويحاول يشوف صيحات جديده
عاملينها المغنيين فيعمل زيها يعني مقضيها ستلايت
كما هو موضح :

وفي نوع من الشباب ما يعملش ولا حاجه
من الحجات الي فاتت هو بيقضي وقت فراغه
على النت بس مش بيعرف غير الشات والماسنجر
يعني لا بيدخل على مواقع مفيده ولا غيره
لانه بيقلك المفيد قدم وبيجيب الملل شات وماسنجر وبس :

والنوعين الاخريين من الشباب
نوع حياته كلها في المولات والشوارع
يعاكس في بنات الناس يعني بيحاول يعيش الحب
من وجهة نظرو طبعا ولازم عشان يعيش الحب
يكلم 7 او 8 عشان وحده ممكن ما يلقيش معاه الحب
الي هو بيدور عليه

ونوع معاه ماشاء الله موبايل بكاميرا وبحب اوي
يشوف اي بنت ماشيه في الشارع يصورها باي طريقه
ويقعد يحب في صورتها اسبوعين او لحد ما يلاقي
واحده تانيه يصورها

ودلوقتي بقى هتكلم عن بعض سلوكيات البنات
بس ابتديها بالنموذج ده :

نيجي بقى دلوقتي للبس البنت
والي بقى بجد غريب جدا

وماشاء الله تلاقيها ماشيه في الشارع لابسه القصير
ومش مخليه حاجه على قلبها ولو عاكستها
تبقى انت غير محترم لانها محجبه عرفت محجبه مش شايف

ونوع بقى من البنات همهم بقى برامج النجوم
يعني بتحب تشوف البرامج دي عشان تدور
على فتى احلامها في المطربين والمغنين الي فيه

وختاما ده نموذج لاحوال بعض الشباب والبنات
(( اليومين دول ))

طبعا في ظواهر كثير انا ما اتكلمتش عنها
بس اتمنى ان الموضوع يحوز على رضاء الجميع

ومحدش يزعل مني

اللى هيزعل انا هضربة بالنار

جغرافي اصيل

ههههههههههههههه
جميله جدااااااااااا
فعلا والله دا اللى بيحصل الايام دى
ربنا يستر علينا

» حرووووووووف بس حاجة تانـــــــــــــــــــــــــــــــــــــــــ...........؟
» دي نهاية اللي يسأل واحدة علي حاجة !!!!
» خلى بالك من الهوى ياستى!!!!!!!!!! انتا لسه شوفت حاجة
» حد يعرف حاجة عن النتيجة
» حاجة ماسة الى بعض ملحقات ARCGIS 10