بتعرف لغات طب ادخل وورينا شطارتك يــــــلا

جغرافى نشيط

مساء البطيخ علي عيونكوا

انا طبعا منور دي حاجه مفيهاش فصال

انا النهارده جايبلكوا حاجه جنان

عاوزكوا تشوفوا معاي الشعب المصري اصيل قد ايه

ده لغايه دوقتي بيتكلم هيلوغريفي

وده عشان محدش يتنطط عليك ويقلك انه معاه لغات وكده

احنا بنتكلم هيلوغريفي

يلا بقي كفايه كده

الشعب المصرى هو الشعب الوحيد الذى يتكلم لغه فريده

لايتكلمها شعب آخر حتى من الشعوب المجاوره....

طبعا....مش اللغه العربيه.....أومال أيه ياعمو.....؟؟

اللغه..الهيروغليفيه.....

أى والله العظيم....خد عندك......

عمركو سمعتو حد بيهدد عياله< بالبعبع >.. ..غير عندنا ف مصر

أو أم نازله ضرب ف أبنها وتقول له <....كخ....>

غير عندنا ف مصر.....

طب أيه رأيكو أن الكلام ده أصله هيروغليفى....

كلمه بعبع....أصلها كلمه <....بوبو....> وهو أسم عفريت مصرى قديم...

كانو قدماء المصريين يستخدموه لتخويف العيال

أما كلمه<....كخه.....> فهى كلمه هيروغليفيه معناها

القذاره..........؟؟؟

حتى العيال عندنا بيتكلما هيرو غليفى......الواد..

لما يجوع يقول<.....مم....>وأصلها.....أو نم....

بمعنى ....أكل.. ..ولما يعطش يقول <...أمبو......>

وأصلها....<أمبموا...> يعنى أشرب

والعيل عندنا وهو بيتعلم المشى يقولو له.....تاتا....

خطى العتبه.....تاتا....حبه حبه

وتاتا كلمه هيروغيليغيه ومعناها....<أمشى....>

وياسلام لما الدنيا تمطر ف الشتا والكل يغنى ويقول

يامطره ...رخى ..رخى..عالا قرعه بنت أختى.. ..

<...رخى.....>أصلها ....رخ....ومعناها...نزل..

وفى الصيف لما نتشوى من الحر..نقول الدنيا

بقت....صهد....وصهد بالهيروغليفى معناها...نار...

ويامحلا الهيروغليفى ف أكلنا....فالفول عندما يستوى

نقول عليه ...مدمس...وأصلها...متمس...عند قدماء المصريين

ومعناها...تسويه الفول.....ياخرابى....؟؟

دا الموضوع طلع له جذور تاريخيه يامه.....يادى الفضيحه يامه....

أما كلمه ....بصاره....فأصلها....بيصورو. ...ومعناها

الفول المطبوخ.......هى...هى بريحتها وتقليتهاولونها

مدد ...مدد ياعم تحتمس مدد

عزيزى القارىء.....بعد هذه الدراسه...من التاريخ المقارن

للغات.....أوعى تخلى واحد يتأرنن عليك

ويقول لك....أنا عندى لغات......قول له

....تعرف هيروغليفى........هيقول لك لأه.....قول له

كخ ياحبيبى روح أتعلم لغات الأول وبعدين كلمنى....

مشرف

جغرافى نشيط

جامد يا ابو صلاااااح

جغرافى نشيط

حلو اكتير

جامد الموضوع دا
تسلم ايدك

جغرافى نشيط

ههههه تمام يا ابو صلاح
نايس توبيك

» لغات لا تكذب
» ادخل وشوف
» السلسلة الشهيرة \\ تعلــم اللغات من دون معــلم \\...7 لغات ...
» ادخل واضحك
» مستنى ايه ادخل